ចូលរួមត្រេកអរ ! ស្តេចប្រដាល់អាស៊ី Manny Pacquiao ទទួលសញ្ញាប័ត្រនៅអាយុ៤០ឆ្នាំ
តាមប្រភពព័ត៌មាន Boxing Scene បានឱ្យដឹងថា កាលពីប៉ុន្មានថ្ងៃមុន ម្ចាស់ខ្សែក្រវាត់ទម្ងន់មធ្យម WBA និង សមាជិកព្រឹទ្ធសភា នៅប្រទេសហ្វីលីពីន…
តាមប្រភពព័ត៌មាន Boxing Scene បានឱ្យដឹងថា កាលពីប៉ុន្មានថ្ងៃមុន ម្ចាស់ខ្សែក្រវាត់ទម្ងន់មធ្យម WBA និង សមាជិកព្រឹទ្ធសភា នៅប្រទេសហ្វីលីពីន លោក Manny Pacquiao បានបង្ហើបថា លោកទទួលបានសញ្ញាបត្រផ្នែកវិទ្យាសាស្ត្រនយោបាយ និង រដ្ឋបាលរដ្ឋាភិបាល ពីសាកលវិទ្យាល័យ Makati ក្នុងប្រទេសហ្វីលីពីន ដែលលោកបានបញ្ចប់នៅអាយុ៤០ឆ្នាំ ។
អ្នកនយោបាយហ្វីលីពីនរូបនេះ បានចាប់ផ្តើមដោយសរសេរលើបណ្តាញសង្គមថា៖«វាមិនដែលយឺតពេលដើម្បីសម្រេចក្តីសុបិន្តនោះទេ»។ ជាមួយនឹងរូបថតបង្ហាញសញ្ញាប័ត្រដោយពាក់មួកនិងអាវផាយ។
លោកសរសេរតទៀតថា៖ «ខ្ញុំនឹងចងចាំជានិច្ចនូវមេរៀនសំខាន់ៗដែលខ្ញុំបានរៀននិងគំនិតដែលខ្ញុំទទួលបានពីអ្នកទាំងអស់គ្នា! បរិញ្ញាប័ត្រសិល្បៈវិទ្យាសាស្ត្រនយោបាយនិងរដ្ឋបាលរដ្ឋាភិបាល ខ្ញុំមានសេចក្តីរំភើបណាស់ដែលបានទទួលសញ្ញាប័ត្ររបស់ខ្ញុំ ហើយភ្ជួរវាលើជញ្ជាំង»។
លោកបានបន្តថា៖ «ខ្ញុំសូមអរគុណដល់ភរិយាដ៏ស្រស់ស្អាតដែលជាអ្នកគាំទ្ររបស់ខ្ញុំ Jinkee និង កូនៗ Jimeul, Michael, Princess, Queenie និង Israel។ ខ្ញុំក៏នឹងបង្ហាញសញ្ញាប័ត្រនេះដល់ម្តាយ Dionisia និង ឪពុកខ្ញុំ និងបងប្អូនខ្ញុំ ដែលជាអ្នកក្នុងចំណោមភាពជោគជ័យរបស់ខ្ញុំ និង មានសារៈសំខាន់បំផុត។ សូមឱ្យភាពជោគជ័យក្រៅសង្វៀនប្រដាល់មួយនេះជាការលើកទឹកចិត្ត សម្រាប់មនុស្សដែលតស៊ូទាំងអស់គ្នា»៕
ចែករំលែកព័តមាននេះ