ខេត្តព្រះសីហនុ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង៣រសៀលថ្ងៃទី១៥ ធ្នូ ឆ្នាំ២០១៩ កំលាំងអធិការដ្ឋាននគរបាលស្រុកព្រៃនប់ បានសហការជាមួយប៉ុស្តិ៍នគរបាលរដ្ឋបាលឃុំទឹកថ្លា ចុះល្បាតធ្វើរដ្ឋបាលចំហរ នៅចំណុចភូមិព្រែកទាល់ ឃុំទឹកថ្លា ស្រុកព្រៃនប់ ខេត្តព្រះសីហនុ ហើយបានជួបប្រទះកន្លែងទទួលផលចោរកម្ម ដែលជាកម្មសិទ្ធិរបស់ឈ្មោះ រស់ ម៉ូត ភេទប្រុស អាយុ៣៩ឆ្នាំ មុខរបរមិនពិតប្រាកដ ដោយដកហូតម៉ូតូចំនួន៤គ្រឿង ។
តាមសេចក្តីរាយការណ៍បានបន្តថា ម៉ូតូចំនួន២គ្រឿង ឈ្មោះ រស់ ម៉ូត បានទិញពីឈ្មោះ សួន វណ្ណារិទ្ធ ហៅ ឡាក់ ភេទប្រុស អាយុ៤៣ឆ្នាំ មុខរបរមិនពិតប្រាកដ មានទីលំនៅភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ ហើយក៏បន្តទៅឆែកផ្ទះឈ្មោះ សួន វណ្ណារិទ្ធ ដកហូតបានម៉ូតូចំនួន២គ្រឿងទៀតជាផលនៃចោរកម្ម ។
ជនសង្ស័យទាំង២នាក់ត្រូវបានសមត្ថកិច្ចកសាងសំណុំរឿងតាមនីតិវិធីនៅល្ងាចថ្ងៃទី១៦ ធ្នូ ៕ (កែសម្រួលដោយ ៖ ធីតា)
ចែករំលែកព័តមាននេះ