រាជធានីភ្នំពេញ ៖ យើងរួមគ្នាក្នុងស្មារតីខ្មែរជួយខ្មែរ ដែលនេះ គឺកើតចេញពីទឹកចិត្តជួយគ្នា និងចូលរួមកសាងភូមិឃុំមានសុវត្ថិភាពរបស់យើង ។ ជាក់ស្ដែងយើងបានកសាងសហគមន៍មួយនេះដោយបានផ្តល់នៅជម្រកស្នាក់នៅសមរម្យ និងការរស់នៅដោយសុវត្ថិភាពដល់ប្រជាពលរដ្ឋ និងការកសាងហេដ្ឋារចនាសម្ព័ន្ធផ្សេងៗទៀត…
រាជធានីភ្នំពេញ ៖ យើងរួមគ្នាក្នុងស្មារតីខ្មែរជួយខ្មែរ ដែលនេះ គឺកើតចេញពីទឹកចិត្តជួយគ្នា និងចូលរួមកសាងភូមិឃុំមានសុវត្ថិភាពរបស់យើង ។ ជាក់ស្ដែងយើងបានកសាងសហគមន៍មួយនេះដោយបានផ្តល់នៅជម្រកស្នាក់នៅសមរម្យ និងការរស់នៅដោយសុវត្ថិភាពដល់ប្រជាពលរដ្ឋ និងការកសាងហេដ្ឋារចនាសម្ព័ន្ធផ្សេងៗទៀត ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងក្រោមការយកចិត្តទុកដាក់សហការជួយជ្រោមជ្រែងពីសំណាក់សប្បុរសជន និងអាជ្ញាធរគ្រប់លំដាប់ថ្នាក់សម្រាប់ការរស់នៅប្រចាំថ្ងៃរបស់បងប្អូនប្រជាពលរដ្ឋ ។
លោកហ៊ុន ម៉ាណែត ពិតណាស់តម្រូវការរបស់ប្រជាពលរដ្ឋមានច្រើន ប៉ុន្តែរាជរដ្ឋាភិបាលបានព្យាយាមដោះស្រាយទោះបីបានតិច ឬបានច្រើនយើងខិតខំជួយគ្នា និងរួមគ្នាកសាងបន្ថែមទៀតដែលនេះ គឺជាគោលនយោបាយរបស់រាជរដ្ឋាភិបាល ។
លោកថា កាលពី៨ខែ មុនមានព្រឹត្តិការណ៍អកុសលដែលកើតឡើង គឺភ្លើងឆេះផ្ទះរបស់បងប្អូនប្រជាពលរដ្ឋនៅក្នុងសហគមន៍នេះ ប៉ុន្តែសំណាងល្អប្រជាពលរដ្ឋមិនមានគ្រោះថ្នាក់ដល់ជីវិត ។ ហើយថ្ងៃនេះយើងនៅមានជីវិត ដើម្បីអបអរសាទរបានផ្ទះថ្មីដែលជាអំណោយដ៏ថ្លៃថ្លារបស់សម្ដេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ។
ជាមួយគ្នានេះដែរ សូមថ្លែងអំណរគុណចំពោះសប្បុរសជន អាជ្ញាធរ និងផ្នែកពាក់ព័ន្ធដែលបានជួយសម្រួលការលំបាករបស់ប្រជាពលរដ្ឋតាមការអំពាវនាវរបស់ប្រមុខរាជរដ្ឋាភិបាល និងសូមអរគុណថ្នាក់ដឹកនាំអង្គការមូលនិធិកុមារកម្ពុជា (CCF)ដែលបានជួយបណ្ដុះបណ្ដាលក្មួយៗសិស្ស និស្សិត និងបានយកចិត្តទុកដាក់ចំពោះការរស់នៅប្រជាពលរដ្ឋនៅសហគម៍នេះ ៕
ចែករំលែកព័តមាននេះ