រាជធានីភ្នំពេញ ៖ បុរសម្នាក់ចេញពីផឹកស៊ីជួបជុំជាមួយមិត្តភក្ដិនៅក្នុងហាងកែវព្រិល មួយកន្លែងជិះម៉ូតូត្រឡប់ទៅផ្ទះវិញមិនរួច ក៏ឈប់ទុកម៉ូតូដេកសម្រាកតាមផ្លូវ ត្រូវបានជនសង្ស័យលួចម៉ូតូយកទៅបាត់ដោយសុវត្ថិភាព កាលពីវេលាម៉ោង២និង៣៥នាទីរំលងអធ្រាត្រ ឈានចូលថ្ងៃទី១០ ខែកក្កដា ឆ្នាំ២០២៥…
រាជធានីភ្នំពេញ ៖ បុរសម្នាក់ចេញពីផឹកស៊ីជួបជុំជាមួយមិត្តភក្ដិនៅក្នុងហាងកែវព្រិល មួយកន្លែងជិះម៉ូតូត្រឡប់ទៅផ្ទះវិញមិនរួច ក៏ឈប់ទុកម៉ូតូដេកសម្រាកតាមផ្លូវ ត្រូវបានជនសង្ស័យលួចម៉ូតូយកទៅបាត់ដោយសុវត្ថិភាព កាលពីវេលាម៉ោង២និង៣៥នាទីរំលងអធ្រាត្រ ឈានចូលថ្ងៃទី១០ ខែកក្កដា ឆ្នាំ២០២៥ នៅតាមបណ្ដាញផ្លូវបេតុងខាងក្រោយផ្សារឯករាជ្យ១ ត្រង់ចំណុចដីឡូតិ៍ភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
ជនរងគ្រោះឈ្មោះ ស្រេង ចាន់តានា ភេទប្រុស អាយុ៣២ឆ្នាំ មុខរបរធ្វើការងារក្រុមហ៊ុន រស់នៅក្នុងបុរីឡុងនី ភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ បានឲ្យដឹងថា នៅមុនពេលកើតហេតុ ខ្លួនបានជិះម៉ូតូម៉ាកហុងប៊ីត ពណ៌ផ្កាឈូក ពាក់ស្លាកលេខភ្នំពេញ 1HT-8096 ចេញពីផ្ទះទៅផឹកស៊ី នៅក្នុងហាងកែវព្រិលមួយកន្លែង ជួបជុំជាមួយមិត្តភក្តិ ក្រោយពីផឹករួចក៏ជិះម៉ូតូត្រឡប់មកផ្ទះវិញ ដោយសារស្រវឹងខ្លាំងពេកទៅផ្ទះមិនរួច បានឈប់ម៉ូតូសម្រាកដេកនៅតាមផ្លូវកើតហេតុខាងលើ ស្រាប់តែមានជនសង្ស័យចំនួន២នាក់ ធ្វើសកម្មភាពលួចម៉ូតូយកទៅបាត់ ។
ពេលជនរងគ្រោះភ្ញាក់ឡើងស្រឡាំងកាំង មិនឃើញម៉ូតូរបស់ខ្លួនក៏ដើរចេញពីទីតាំងកន្លែងបាត់ម៉ូតូមកផ្លូវវេងស្រេងរួចហើយបានប្រាប់ឲ្យពលរដ្ឋជួយទំនាក់ទំនងទៅសមត្ថកិច្ចអោយជួយអន្តរាគមន៍រកម៉ូតូរបស់ខ្លួន ។
ក្រោយពេលកើតហេតុ កម្លាំងសមត្ថកិច្ចមូលដ្ឋានបានចុះមកដល់សួរនាំជនរងគ្រោះខាងលើ រួចហើយដឹកទៅចង្អុលបង្ហាញទីតាំងកន្លែងហេតុ ដែលជនសង្ស័យយកម៉ូតូ បន្ទាប់មកបានអោយជនរងគ្រោះទៅដាក់ពាក្យបណ្ដឹងនៅប៉ុស្តិ៍ ដើម្បីសមត្ថកិច្ចធ្វើការស្រាវជ្រាវរកជនសង្ស័យឃាត់ខ្លួនមកផ្ដន្ទាទោសតាមច្បាប់ ៕
ចែករំលែកព័តមាននេះ