ប្រទេសស៊ីលី ៖ ខណៈដែលយន្តហោះមិនទាន់ត្រូវ បានរកឃើញនៅឡើយនោះ អ្នកជំនាញខ្លះបាន លើកឡើងថា យន្តហោះយោធាស៊ីលីធុន C-130 ដែលផ្ទុកមនុស្ស៣៨នាក់ ទំនងជាធ្លាក់នៅក្នុងដែនសមុទ្រទឹកកកដែលមានជម្រៅជ្រៅ…
ប្រទេសស៊ីលី ៖ ខណៈដែលយន្តហោះមិនទាន់ត្រូវ បានរកឃើញនៅឡើយនោះ អ្នកជំនាញខ្លះបាន លើកឡើងថា យន្តហោះយោធាស៊ីលីធុន C-130 ដែលផ្ទុកមនុស្ស៣៨នាក់ ទំនងជាធ្លាក់នៅក្នុងដែនសមុទ្រទឹកកកដែលមានជម្រៅជ្រៅ និងមានអាកាសធាតុអាក្រក់ខ្លាំង ។ នេះបើតាមវ៉េប សាយ Inverse ផ្សាយនាព្រឹកថ្ងៃទី១១ ខែធ្នូ ។
កងយោធានិងក្រុមសង្គ្រោះរបស់ស៊ីលីទាំង ផ្លូវទឹកនិងផ្លូវអាកាស នៅតែបន្តប្រតិបត្តិការរុក រក ដែលមានរយៈពេល២ថ្ងៃមកហើយ គិតចាប់ តាំងពីល្ងាចថ្ងៃចន្ទទី៩ ខែធ្នូមក (ពេលវេលានៅអាមេរិកខាងត្បូង) បន្ទាប់ពីយន្តហោះយោធាប្រ ភេទ C-130 ផ្ទុកសហសេវិក១៧នាក់ និងអ្នក ដំណើរ២១នាក់ (សរុប៣៨នាក់) បានចាកចេញពី ទីក្រុង Punta Arenas កាលពីវេលាម៉ោង៤និង៥៥ នាទីល្ងាច និងក្រោយមកតែ២០នាទីនៃការហោះចេញ ក៏ដាច់ការទាក់ទងជាមួយប្រព័ន្ធរ៉ាដានៅវេលាម៉ោង៦និង១៥នាទីល្ងាចតែម្តង ។
អ្នកជំនាញមួយចំនួនបានលើកឡើងថា យន្តហោះខាងលើនេះអាចធ្លាក់នៅលើសមុទ្រទឹកកក ត្រង់ចំណុចច្រកមួយឈ្មោះ ដ្រេក ផាសេច (Drake Passage) ស្ថិតនៅក្នុងដែនសមុទ្រហូ
សែស (Sea of Hoces) ។ តំបន់នេះត្រូវបានគេដឹងថា ជាចំណុចប្រកបដោយភូមិសាស្ត្រស្មុគស្មាញមួយនៅលើផែនដី និងធ្លាប់មានប្រវត្តិបង្កគ្រោះមហន្តរាយទៅដល់កប៉ាល់ ឬមួយក៏យន្តហោះមួយចំនួនកាលពីអតីតកាល ។
សូមបញ្ជាក់ថា ប្រតិបត្តិការសង្គ្រោះរបស់កងកម្លាំងស៊ីលីនៅតែសង្ឃឹមថា មនុស្សទាំង៣៨នាក់
នៅមានជីវិត ។ យន្តហោះ C-130 ខាងលើនេះ ត្រូវធ្វើដំណើរទៅកាន់ទ្វីបអង់តាក់ទិកនៅប៉ូលខាងត្បូងនៃភពផែនដី ដោយគ្រោងនឹងទៅដល់នាវេលាម៉ោង៧និង១៧នាទីយប់ថ្ងៃកើតហេតុនោះ ប៉ុន្តែបានបាត់ដំណឹងនាវេលាម៉ោង៦និង១៥នាទីល្ងាច ។
ក្នុងចំណោមសហសេវិកទាំង១៧នាក់នោះ គឺមាន១៥នាក់ជាកងទ័ពអាកាសស៊ីលី និង២នាក់ជាជនស៊ីវិល ដែលត្រូវដឹកនាំបេសកកម្មកសាងនិងអភិវឌ្ឍមូលដ្ឋានមួយនៅទ្វីបអង់តាក់ទិក ដែលមានឈ្មោះថា «មូលដ្ឋានប្រធានាធិបតី អេឌូអាឌូ ហ្វ្រៃ ម៉ុនតាល់វ៉ា» ៕ (កែសម្រួលដោយ ៖ បុប្ផា)
ចែករំលែកព័តមាននេះ