ខេត្តបន្ទាយមានជ័យ ៖ ក្នុងឆ្នាំ២០១៩ខេត្តបន្ទាយមានជ័យមានអ្នកជំងឺគ្រុនចាញ់ចំនួន១៤នាក់ត្រូវបានព្យាបាលជាសះស្បើយគ្មានអ្នកគ្រោះថ្នាក់ឡើយ នេះបើយោងតាមរបាយការណ៍ប្រជុំប្រចាំត្រីមាសទី៤ឆ្នាំ២០១៩ កាលពីថ្ងៃទី៩ ខែធ្នូ ឆ្នាំ២០១៩ នៅសាលប្រជុំសាលាខេត្តបន្ទាយមានជ័យ។
មន្ត្រីសុខាភិបាលខេត្តបន្ទាយមានជ័យមានប្រសាសន៍ថា ក្រុមការងារពិសេសថ្នាក់ខេត្តសម្រាប់លុបបំបាត់ជំងឺគ្រុនចាញ់ប្រចាំត្រីមាសទី៤ឆ្នាំ២០១៩នេះ លទ្ធផលអាំងស៊ីដង់នៃជជម្ងឺគ្រុនចាញ់ពីខែមករាដល់ខែវិច្ឆិកាឆ្នាំ២០១៩ ក្នុងខេត្តបន្ទាយមានជ័យមានករណីគ្រុនចាញ់ថ្មីមានចំនួន៣៤នាក់ស្មើអាំងស៊ីដង់១.០០០នាក់ ក្នុងនោះមានស្រុកមង្គលបូរីចំនួន៦នាក់ ក្រុងសិរីសោភ័ណ២នាក់ ក្រុងប៉ោយប៉ែត២២នាក់ ស្រុកព្រះនេត្រព្រះ១នាក់ ស្រុកថ្មពួក៣នាក់។
មន្ត្រីបានបញ្ជាក់ថា លទ្ធផលព្យាបាលជម្ងឺគ្រុនចាញ់ពីខែមករា ដល់ខែវិច្ឆិកា ឆ្នាំ២០១៩ ខេត្តបន្ទាយមានជ័យមានករណីគ្រុនចាញ់មានចំនួន១៤នាក់ ក្នុងនោះមានស្រាល២នាក់ដែលបានសំរាកព្យាបាលនៅមន្ទីពេទ្យខេត្ត១នាក់ មន្ទីពេទ្យមង្គលបូរី១នាក់ មន្ទីពេទ្យក្រុងសិរីសោភ័ណ២នាក់ មន្ទីពេទ្យក្រុងប៉ោយប៉ែត៨នាក់ មន្ទីពេទ្យថ្មពួក១នាក់។
លោកជំទាវ ប៉ុក ណាឌី អភិបាលរងខេត្តបន្ទាយមានជ័យមានប្រសាសន៍ថា ក្នុងគោលបំណងជំរុញសកម្មភាព ដើម្បីលុបបំបាត់ជំងឺគ្រុណចាញ់នៅឆ្នាំ២០២០និង២០២៥ ក្នុងខេត្តបន្ទាយមានជ័យ លទ្ធផលសម្រេចបានរបស់កម្មវិធីគ្រុនចាញ់ខេត្តក្នុងការលុបបំបាត់ជំងឺគ្រុនចាញ់ និងផែនការនិងទិសដៅត្រីមាសបន្ត។
លោកជំទាវបានបញ្ជាក់ថា សុំអោយមន្ត្រីជំនាញត្រូវចុះផ្សព្វផ្សាយណែនាំដល់ប្រជាពលរដ្ឋអោយបានយល់ដឹងនិងបង្ការដល់ប្រជាពលរដ្ឋនិងចែកមុងការពារជំងឺគ្រុនចាញ់មិនអោយកើតមានដល់បងប្អូនប្រជាពលរដ្ឋ៕(កែសម្រួលដោយ ៖ ធីតា)
ចែករំលែកព័តមាននេះ