ការសុំរៀបការគឺជារឿងដ៏រំភើបមួយសម្រាប់ស្ត្រីគ្រប់រូបដែលធ្វើឲ្យក្ដីស្រមៃរបស់ខ្លួនក្លាយជាការពិត ប៉ុន្តែមានពេលខ្លះក៏បានធ្វើឲ្យក្ដីស្រមៃនេះក្លាយជាទុក្ខសោកផងដែរ ។ យ៉ាងណាមិញសម្រាប់នារីបំរើលើយន្តហោះម្នាក់នឹកស្មានមិនដល់ថា នៅពេលគូស្នេហ៍មកសុំរៀបការលើយន្តហោះ សេចក្ដីសុខនៅជាមួយនាងមិនបានយូរ មួយសន្ទុះក្រោយនាងក៏ត្រូវបណ្ដេញចេញពីការងារ ។
វេបសាយ Insider កាលពីពេលថ្មីៗកន្លងមកផ្សាយពីរឿងរ៉ាវកាលពីខែឧសភាកន្លងមកថា មាននារីបំរើការលើយន្តហោះរបស់ក្រុមហ៊ុនអាកាសចរណ៍«China Eastern Airlines» ម្នាក់ត្រូវបានគូស្នេហ៍មកលុតជង្គង់សុំរៀបការ ខណៈពេលកំពុងបំពេញការងារនៅលើយន្តហោះ និងបានទទួលការសាទរពីសំណាក់ពលរដ្ឋយ៉ាងច្រើន ប៉ុន្តែលទ្ធផលចុងក្រោយខាងក្រុមហ៊ុនបានបណ្ដេញបុគ្គលិកម្នាក់នេះចេញពីការងារ ។
ក្រុមហ៊ុនបានបង្ហាញពីហេតុផលថា ការសុំរៀបការនៅលើយន្តហោះកំពុងធ្វើដំណើរ គឺនាងកំពុងស្ថិតក្នុងការបំពេញការងារ នាងខ្វះការទទួលខុសត្រូវលើការងារ ព្រងើយកន្តើយលើសុវត្ថិភាពរបស់អ្នកដំណើរគឺជាការងារដ៏សំខាន់លំដាប់ទី១ ទើបពិចារណាថានាងគួរចាកចេញពីការងារ ៕
ចែករំលែកព័តមាននេះ