គូស្នេហ៍មួយគូនៅខេត្តស៊ីឈួនប្រទេសចិនបានបង្កើតរឿងគួរឱ្យភ្ញាក់ផ្អើលមួយកាលពីថ្ងៃទី ២០ ខែឧសភា ដែលជារឿយៗត្រូវបានគេហៅថា «ថ្ងៃបុណ្យនៃក្តីស្រឡាញ់ចិន» (Chinese Valentine’s Day) ។ រឿងដែលគួរឱ្យភ្ញាក់ផ្អើលនោះគឺថាស្ត្រីជាគូស្នេហ៍ដោយមិនពេញចិត្តនឹងមិត្តប្រុសរបស់ខ្លូននាងបានទះកំផ្លៀងដៃគូចំនួន ៥២ កំផ្លៀងដោយសារតែមិត្តប្រុសរបស់នាងមិនបានទិញទូរស័ព្ទថ្មីឱ្យនាងនៅក្នុងថ្ងៃពិសេសនេះ ។
សកម្មភាពនេះត្រូវបានថតជាវីដេអូដោយកាមេរ៉ាឃ្លាំមើល និងវីដេអូថតតាមទូរស័ព្ទពីអ្នកថ្មើរជើងដោយបានបង្ហាញយ៉ាងច្បាស់ថាមានស្ត្រីម្នាក់កំពុងស្តីបន្ទោសយ៉ាងខ្លាំងទៅលើ បុរសជាគូស្នេហ៍ និងបានទះកំផ្លៀងជាច្រើនដងខណៈពេលដែលបុរសរូបនោះឈរនៅស្ងៀមពីការបំពាននេះ ។
ប្រភពព័ត៌មាន nextshark បានឱ្យដឹងថា ការស៊ើបអង្កេតរបស់ប៉ូលីសបានរកឃើញថាបុរសម្នាក់នេះត្រូវបានមិត្តស្រីរបស់គាត់វាយតប់ចំនួន ៥២ ដងដោយសារនាងខឹងសម្បារយ៉ាងខ្លាំងបន្ទាប់ពីបុរសនោះមិនបានបំពេញតាមការស្នើសុំរបស់នាងដើម្បីទិញស្មាតហ្វូនថ្មីឱ្យនាងនៅក្នុងថ្ងៃឈប់សម្រាកពិសេសនេះ ។
នៅពេលដែលប៉ូលីសទៅដល់កន្លែងកើតហេតុហើយចង់បំបែកគូស្នេហ៍នោះចេញពីជម្លោះ ស្រាប់តែ បុរសជាគូស្នេហ៍បានទទូចសុំឱ្យការពារដៃគូរបស់ខ្លួនដោយនិយាយថាគាត់បានធ្វើខុសចំពោះនាងហើយថាគាត់ជឿថាការបំពានលើរាងកាយរបស់គាត់គឺជាវិធីតែមួយគត់ដើម្បីធ្វើឱ្យនាងស្ងប់កំហឹង ។ ប៉ូលីសក៏បានរកឃើញផងដែរថាការចំណាយរបស់បុរសរូបនេះគឺភាគច្រើនត្រូវបានផ្តល់ទៅឱ្យមិត្តស្រីរបស់គាត់ ។
ខណៈដែលអាជ្ញាធរមិនអាចបញ្ចុះបញ្ចូលគូស្នេហ៍នេះទៅកាន់ប៉ុស្តិ៍ប៉ូលិសបាននោះអ្នកទាំងពីរបានប្តេជ្ញាថានឹងដោះស្រាយបញ្ហារបស់ពួកគេតាមរបៀបសម័យថ្មី ៕
កែសម្រួលដោយ ៖ សំណាង
ចែករំលែកព័តមាននេះ