ប្រទេសថៃ៖ តាមការឱ្យដឹងពីសហព័ន្ធកីឡាប្រណាំងម៉ូតូទឹកកម្ពុជាបានឱ្យដឹងថា កីឡាករ សាលី អ៊ូម៉ើតដណ្ដើមបានមេដាយមាស១គ្រឿងពីព្រឹត្តិការណ៍ប្រកួតកីឡាម៉ូតូទឹកកម្រិតពិភពលោក (Jet Ski World Cup2019)ដែលបានធ្វើឡើងកាលពីថ្ងៃទី៨ ធ្នូ នៅទីក្រុងប៉ាតាយ៉ា ប្រទេសថៃ។
កីឡាករ សាលី អ៊ូម៉ើត ដែលឈ្នះមេដាយមាសលើកនេះ គេប្រកួតលើវិញ្ញាសាPro-Am Ski Super Stock នៅវគ្គប្រកួតផ្ដាច់ព្រ័ត្រ។ មិនតែប៉ុណ្ណោះ ការប្រកួតនៅក្នុងវគ្គជម្រុះគេបានយកឈ្នះកីឡាករជើងខ្លាំងលំដាប់ពិភពលោកចំនួន៣លើកផ្ទួនៗ។
តាមការឱ្យដឹងបន្ថែមព្រឹត្តិការណ៍នេះ មានប្រទេសចំនួន៦០នៅលើពិភពលោកចូលរួម។ប៉ុន្តែអ្វីដែលជាមោទនភាពនោះ ទង់ជាតិកម្ពុជាត្រូវបានបង្ហូតឡើងបន្ទាប់ពីកីឡាករកម្ពុជារូបនេះទទួលជ័យជម្នះនៅវគ្គប្រកួតផ្ដាច់ព្រ័ត្រ។
កីឡាករសាលី អ៊ូម៉ើត ធ្លាប់ឈ្នះមេដាយពីការប្រកួតកីឡាស៊ីហ្គេមលើកទី២៩ឆ្នាំ២០១៧នៅប្រទេសម៉ាឡេស៊ី ហើយក៏ធ្លាប់ទទួលបានជ័យជម្នះពីព្រឹត្តិការណ៍ពិភពលោកច្រើនលើករួចមកហើយទៀតផង។
សម្រាប់ការប្រកួតលើវិញ្ញាសាថ្មីមួយនេះ មានតែកម្ពុជាប៉ុណ្ណោះដែលខ្លាំងជាងគេ ប៉ុន្តែគួឱ្យស្ដាយដែលការប្រកួតកីឡាស៊ីហ្គេមនៅប្រទេសហ្វីលីពីនលើកនេះ គេមិនបានដាក់កីឡាប្រភេទនេះឱ្យចូលរួមប្រកួតឡើយ។
ចែករំលែកព័តមាននេះ