រាជធានី​ភ្នំពេញ ៖ ក្រុមហ៊ុនស្រា Chivas ដែល​មាន​ប្រភព​ដើម​មក​ពី​ប្រទេស​ស្កុ​តឡែ​ន បាន​រៀបចំ​កម្មវិធី​ដើម្បី​អបអរ​ការ​សហការ​ជា​ដៃគូរ​រវាង​ក្រុមហ៊ុន និង​ក្រុមបាល់ទាត់​លំដាប់​ពិភព លោក Manchester United សម្រាប់​រដូវ​កាល​ទី​២ នៅ​ប្រទេស​កម្ពុជា បាន​ធ្វើ​ឡើង​យ៉ាង​កក្រើក​នៅ​ក្លឹ​ប​កម្សាន្ត QK កាលពី​ថ្ងៃ​ទី​៦ ខែធ្នូ ឆ្នាំ​២០១៩ ជាមួយនឹង​ការ​ចូលរួម​ផ្តល់​ជូន​នូវ​បទ​ភ្លេង​យ៉ាង​កន្ត្រាក់​ពី DJ ដ៏​ល្បី​ដែល​មក​ពី​ប្រទេស​ថៃ និង​ម៉ា​ឡេ​ស៊ី ជាមួយនឹង​កម្មវិធី​សប្បាយ​ៗ​ជា​ច្រើន ។

គួរ​រំឭក​ថា Manchester United បាន​សហការ​ជាមួយ Chivas តាំងពី​ឆ្នាំ ២០១៨ ជាមួយនឹង​កម្មវិធី​ជា​ច្រើន ដើម្បី​ផ្តល់​ឱកាស​ឲ្យ​អ្នក​ដែល​ជា​អ្នកគាំទ្រ​ផ្ទាល់​ទទួល​បាន​នូវ​បទ​ពិសោធន៍ និង​ភាព​រីករាយ​ជា​ច្រើន មិន​ថា​នៅ​តាម​បណ្តា​កម្មវិធី​របស់ Chivas នៅ​ក្នុង Pub និង​ក្លឹ​ប​កម្សាន្ត​នៅ​ក្នុង​ប្រទេស​កម្ពុជា ជា​ពិសេស​បទ​ពិសោធន៍​ទៅ​ទស្សនាការ​ប្រកួត​ផ្ទាល់​នៅ​ទីក្រុង Manchester និង​ប្រទេស​សិង្ហ​បុរី នា​រដូវ​កាល​កន្លង​មក ។

សម្រាប់​រដូវ​កាល​ថ្មី​នេះ ក្រុមហ៊ុន​ក៏​បាន​រៀបចំ​នូវ​កម្មវិធី​កម្សាន្ត​ក៏​ដូច​ជា​ឱកាស​ក្នុង​ការ​ឈ្នះ​រង្វាន់​ផ្សេង​ៗ​ជា​ច្រើន​ទៀត​សម្រាប់​អតិថិជន​ដែល​គាំទ្រ​ស្រា Chivas ជាមួយនឹង​ប្រ​ម៉ូ​សិន​ពិសេស​ដល់​អតិថិជន​ផង​ដែរ ។

អ្វី​ដែល​ពិសេស​នោះ អតិថិជន​នឹង​មានឱកាស​ឈ្នះ​រង្វាន់​ធំ​ពី Chivas ជាមួយនឹង​ការ​ធ្វើ​ដំណើរ​ទៅ​មើល​ការ​ប្រកួត​ផ្ទាល់​របស់ ក្រុម​បិសាច​ក្រហម Manchester United នៅ​ប្រទេស​អង់គ្លេស​នៅ​ខែមីនា ឆ្នាំ ២០២០ ជាមួយនឹង​បទ​ពិសោធន៍​ផ្សេង​ៗ​ទៀត​ទាក់ទង​ទៅ​នឹង​កីឡាបាល់ទាត់​ផង​ដែរ ។

សម្រាប់​ព័ត៌មាន​ស្តី​ពី កម្មវិធី​បន្ទាប់ សូម​ចូល​ទៅ​កាន់​គេហទំព័រ Facebook និង Instagram Chivas Cambodia ៕ ដោយ​សហការ (​កែសម្រួល​ដោយ ៖ បុប្ផា​)