រាជធានីភ្នំពេញ ៖ ក្រុមហ៊ុនកម្ពុជាតេលា នៅតែបន្តជួយជ្រោមជ្រែងដើម្បីចូលរួមសម្រាលបន្ទុកដល់បងប្អូនភៀសសឹកក្នុងគ្រាលំបាកដែលកំពុងចាកចេញពីតំបន់ជម្លោះ ។ នាថ្ងៃទី ១៧ ខែធ្នូ ឆ្នាំ ២០២៥…
រាជធានីភ្នំពេញ ៖ ក្រុមហ៊ុនកម្ពុជាតេលា នៅតែបន្តជួយជ្រោមជ្រែងដើម្បីចូលរួមសម្រាលបន្ទុកដល់បងប្អូនភៀសសឹកក្នុងគ្រាលំបាកដែលកំពុងចាកចេញពីតំបន់ជម្លោះ ។ នាថ្ងៃទី ១៧ ខែធ្នូ ឆ្នាំ ២០២៥ នេះ លោក ងួន ឡេង អគ្គនាយករងជាន់ខ្ពស់ តំណាងឱ្យ អ្នកឧកញ៉ា ឈុន អូន អគ្គនាយក ក្រុមហ៊ុនកម្ពុជាតេលា បានដឹកនាំគណៈគ្រប់គ្រងរបស់ក្រុមហ៊ុនកម្ពុជាចុះជួប និងប្រគល់អំណោយគ្រឿងឧបភោគបរិភោគ ដូចជា ៖ អង្ករ ស្ករស ប្រេងឆា សាច់ក្រក ឆៃពៅ ពងទាប្រៃ ទឹកស៊ីអ៉ីវ ទឹកត្រី និងទឹកសុទ្ធ រួមទាំងថវិកាមួយចំនួនជូនដល់បងប្អូនភៀសសឹកជាច្រើននាក់នៅតាមបណ្តាព្រំដែនកំពុងមានជម្លោះ ។
នេះជាស្មារតីខ្មែរតែមួយ ខ្មែរជួយខ្មែរ និងជាការលើកទឹកចិត្តដ៏ស្មោះស្ម័គ្រចំពោះវីរយុទ្ធជន អង់អាចក្លាហានលះបង់ការពារបូរណភាពទឹកដីរបស់កម្ពុជា ។ ក្នុងនាមគ្រួសារនៃក្រុមហ៊ុនកម្ពុជាតេលា ពិតជាមានមោទនភាពយ៉ាងខ្លាំងនូវគំរូវីរភាពដ៏អង់អាចក្លាហានរបស់កងទ័ពកម្ពុជា ។ យើងខ្ញុំសូមបួងសួងដល់វត្ថុស័ក្តិសិទ្ធិទាំងអស់ជួយថែរក្សាការពារបងប្អូនភៀសសឹក និងកងទ័ពកម្ពុជាទាំងអស់ ឱ្យទទួលបាននូវសុខភាពល្អ ជួបតែសុខសុវត្តិភាព និងជ័យជំនះលើពួកខ្មាំងឈ្លានពានទឹកដីខ្មែរ ។ ស្មារតីខ្មែរតែមួយ ខ្មែរស្រឡាញ់ខ្មែរ ! ៕ អត្ថបទសហការ
ចែករំលែកព័តមាននេះ