រាជធានីភ្នំពេញ៖ ក្រុមហ៊ុន TODAY internet គឺជាក្រុមហ៊ុនផ្ដល់សេវាអុីនធឺណិតកម្រិតខ្ពស់ ដែលបង្កើតឡើង ដោយស្នាដៃកូនខ្មែរចាប់តាំងពីឆ្នាំ ២០១៦ មកម្ល៉េះ ។…
រាជធានីភ្នំពេញ៖ ក្រុមហ៊ុន TODAY internet គឺជាក្រុមហ៊ុនផ្ដល់សេវាអុីនធឺណិតកម្រិតខ្ពស់ ដែលបង្កើតឡើង ដោយស្នាដៃកូនខ្មែរចាប់តាំងពីឆ្នាំ ២០១៦ មកម្ល៉េះ ។ កាលពីពេលថ្មីៗនេះក្រុមហ៊ុន TODAY internet បានរៀបចំឡើងនូវកម្មវិធី CUSTOMER CARE FORUM 2025 នៅទីស្នាក់ការកណ្ដាលរបស់ក្រុមហ៊ុនដែលស្ថិតនៅក្នុងអគារ The Edge តំបន់បឹងកក់ ។
វេទិកានេះត្រូវបានរៀបចំឡើងដើម្បីពិគ្រោះយោបល់ និងការកែលម្អលើសេវាកម្មថែទាំអតិថិ
ជនជាមួយ អតិថិជនរបស់ក្រុមហ៊ុនផ្ទាល់ ក៏ដូចជាបុគ្គលិក និង គណៈគ្រប់គ្រង ដើម្បី អោយកាន់តែច្បាស់អំពីតម្រូវការ និងការរំពឹងទុកបញ្ហាប្រឈម និងសម្របសម្រួលផែនការ
យុទ្ធសាស្ត្រថែទាំអតិថិជនឆ្នាំ ២០២៦ អោយបានល្អប្រសើ និងសម្រេចគោលដៅអាជីវកម្ម ។
លោក ម៉េង សុងកេង នាយកប្រតិបត្តិនៃក្រុមហ៊ុន TODAY internet បានលើកឡើងថា ធុរកិច្ចសម័យថ្មីលើវិស័យសេវាអុីនធឺណិត គឺពឹងផ្អែកលើសេវាកម្មថែទាំអតិថិជនខ្លាំង ដូច្នេះ យើងជឿជាក់ និងមានទំនុកចិត្តលើ សេវាកម្មល្អ ការថែទាំល្អ និង ការទំនាក់ទំនងល្អ នឹងជំរុញអោយមានការរីកចំរើនកាន់តែខ្លាំង ។ ហើយការកែលម្អកើតចេញ ពីគ្រប់ភាគីពាក់ព័ន្ធ (Stackholder) ដូចជាមតិយោបល់អតិថិជន របស់ក្រុមហ៊ុនផ្ទាល់ បុគ្គលិក និងគណៈគ្រប់គ្រង ជាគោលដៅសំខាន់សម្រាប់ការអភិវឌ្ឍសេវាកម្ម ថែទាំរបស់យើងនៅថ្ងៃខាងមុខ ។
នៅក្នុងវេទិកានេះ ក៏មានជាការរៀបចំនូវពិធីស្មឹងស្មាត ដើម្បីបង្ហាញនូវការដឹងគុណក៏ដូចជា
ចូលរួមរំលែកទុក្ខ ដល់វីរកងទ័ពជួរមុខ ដែលបានពលីនៅសមរភូមិ ដើម្បីការពារទឹកដីពីការឈ្លានពាន ។
សម្រាប់ព័ត៌មានបន្ថែម សូមទាក់ទងតាមរយៈទូរស័ព្ទលេខ៖ Hotline Number 070 21 55 77 ឬតាមរយៈ Facebook Messenger “TODAY Internet” និង Telegram https://t.me/TODAYSupport ឬគេហរទំព័រ www.today.com.kh ៕ អត្ថបទសហការ
ចែករំលែកព័តមាននេះ