តោះ! មកដឹងពីវិធីចិញ្ចឹមកូនរបស់មហាសេដ្ឋីហ្វេសប៊ុក
ទស្សនាវដ្តី Forbes បានឲ្យដឹងថា នាយកប្រតិបត្តិរបស់ Facebook គឺលោក ម៉ាក ហ្សាក់កាបឺក (Mark Zuckerberg)…
ទស្សនាវដ្តី Forbes បានឲ្យដឹងថា នាយកប្រតិបត្តិរបស់ Facebook គឺលោក ម៉ាក ហ្សាក់កាបឺក (Mark Zuckerberg)…
ទស្សនាវដ្តី Forbes បានឲ្យដឹងថា នាយកប្រតិបត្តិរបស់ Facebook គឺលោក ម៉ាក ហ្សាក់កាបឺក (Mark Zuckerberg) និងភរិយា ព្រីស៊ីឡា ឆេន (Priscilla Chan) មានទ្រព្យសម្បត្តិសរុបប្រមាណ ៧៤ប៊ីលានដុល្លារ និងអាចទិញអ្វីគ្រប់យ៉ាងឲ្យទៅកូនស្រីទាំងពីររបស់អ្នកទាំងពីរ ។ ប៉ុន្តែពួកគេមិនធ្វើដូច្នេះឡើយ ។
លោកបាននិយាយក្នុងបទសម្ភាសមួយថា លោកមិនទិញអ្វីឲ្យទៅ ម៉ាក់ស៊ីម៉ា (Maxima) ដែលមានអាយុ ៤ឆ្នាំ និង អូហ្គើស (August) ដែលមានអាយុ ២ឆ្នាំទេ ហើយកុមារទាំងពីរនេះថែមទាំងមានតួនាទីក្នុងផ្ទះថែមទៀត ។ កាលពីខែឧសភាកន្លងមក មហាសេដ្ឋីរូបនេះបានចែករំលែកវីដេអូមួយលើ Facebook ដែលបង្ហាញពីកូនស្រីដកចានចេញពីម៉ាស៊ីនលាងចាន ។ លើសពីនេះទៅទៀត ភរិយារបស់លោកបានបន្តថាអ្នកទាំងពីរថែមទាំងយកកូនៗទៅធ្វើការជាមួយថែមទៀត ។
លោកមហាសេដ្ឋី វ៉ារេន បាហ្វេដ (Warren Buffett) ក៏ធ្លាប់បានចែករំលែកពីវិធីចិញ្ចឹមបីបាច់កូនដើម្បីជៀសវាងចរិតបំផ្លាញ់ទ្រព្យសម្បត្តិឪពុកម្តាយដែរ ។ លោកធ្លាប់បានប្រាប់ដល់ Forbes កាលពីឆ្នាំ ២០១៣ មកថា កូនៗរបស់លោកបានធំដឹងក្តីដោយមានជីវិតសាមញ្ញ ហើយពួកគេរស់នៅតែក្នុងផ្ទះមួយដែលជាម្ចាស់កម្មសិទិ្ធរបស់លោកតាំងពីឆ្នាំ ១៩៥៨ប៉ុណ្ណោះ ។
មានន័យថាកូនៗរបស់លោកមិនបានមើលឃើញការផ្លាស់ប្តូរជីវិតភាពឲ្យកាន់តែធូរធារឬស្តុកស្តម្ភជាងមុនឡើយ លើសពីនេះទៀតនោះគឺពួកគេមិនដែលជិះយន្តហោះឯកជនដូចកូនៗរបស់សេដ្ឋីភាគច្រើនឡើយ ។ ផ្ទុយមកវិញកូនៗលោកថែមទាំងជិះរថយន្តក្រុងដើម្បីទៅសាលារៀនថែមទៀត ។ លោក បាហ្វេដ ស្ថិតក្នុងចំណោមក្រុមមហាសេដ្ឋីមួយចំនួនដែលបានប្រកាសជាសាធារណៈថាពួកគេនឹងបរិច្ចាគទ្រព្យសម្បត្តិមួយចំណែកធំរបស់ខ្លួនឲ្យទៅសប្បុរសធម៌ ដូចលោក ប៊ីល ហ្គេតស៍ (Bill Gates) របស់ Microsoft ដែរ ៕
ចែករំលែកព័តមាននេះ