ខេត្តស្វាយរៀង ៖ ប្រជាពលរដ្ឋរស់នៅតំបន់ព្រំដែនមានការងារធ្វើ ខណៈដែលរដូវប្រមូលផលអំពៅចូលមកដល់ និងត្រៀមដាំដុះឡើងវិញដោយក្រុមហ៊ុនអីសធើនរ៉ាយហ្វៀលឌីវ៉េលុបមែនខូលអិលធីឌីដាំអំពៅស្ករត្រូវការជ្រើសរើសកម្មករទាំង២ភេទជាច្រើនពាន់នាក់ ដើម្បីដាំដុះដំណាំអំពៅ 0និងអ្នកកាប់ប្រមូលផលអំពៅលើផ្ទៃដី៦,០០០ហិកតារបស់ក្រុមហ៊ុន ។ បើតាមលោក កុយ…
ខេត្តស្វាយរៀង ៖ ប្រជាពលរដ្ឋរស់នៅតំបន់ព្រំដែនមានការងារធ្វើ ខណៈដែលរដូវប្រមូលផលអំពៅចូលមកដល់ និងត្រៀមដាំដុះឡើងវិញដោយក្រុមហ៊ុនអីសធើនរ៉ាយហ្វៀលឌីវ៉េលុបមែនខូលអិលធីឌីដាំអំពៅស្ករត្រូវការជ្រើសរើសកម្មករទាំង២ភេទជាច្រើនពាន់នាក់ ដើម្បីដាំដុះដំណាំអំពៅ 0និងអ្នកកាប់ប្រមូលផលអំពៅលើផ្ទៃដី៦,០០០ហិកតារបស់ក្រុមហ៊ុន ។
បើតាមលោក កុយ សារ៉េន ប្រធានក្រុមហ៊ុន ដាំអំពៅស្ករបានឲ្យដឹងថា ក្រុមហ៊ុនរបស់លោកត្រូវការកម្លាំងពលកម្មមកធ្វើការចាប់ពី៣.៥០០នាក់ ទៅ៤៥០០នាក់ ដើម្បីដាំដុះដំណាំ និងត្រៀមប្រមូលផលអំពៅ នៅថ្ងៃទី៩ ខែធ្នូ ឆ្នាំ២០១៩ខាងមុខនេះ លើផ្ទៃដីប្រមាណជាង៦,០០០ហិកតា ដែលមានទិន្នផលសរុប៣០០.០០០តោន ដែលស្ថិតនៅឃុំពងទឹក ឃុំបុសមន ស្រុករំដួល ឃុំគគីរសោម ឃុំព្រៃតាអី ឃុំពពែត ឃុំមនោរម្យ ស្រុកស្វាយទាប និងឃុំត្រស់ស្រុករមាសហែកខេត្តស្វាយរៀង ។
លោកបានបន្តទៀតថា ខាងក្រុមហ៊ុនលោកបានដាក់ទុនវិនិយោគលើដំណាំគួបផ្សំជាច្រើនមុខលើផ្ទៃដីជាច្រើនហិកតា ជាពិសេសជាងនេះទៀតនោះ គឺចូលរួមចំណែកជាមួយរាជរដ្ឋាភិបាលកម្ពជាក្នុងការកាត់បន្ថយភាពក្រីក្រ កាត់បន្ថយការចំណាកស្រុករបស់បងប្អូនប្រជាពលរដ្ឋដែលមានផ្ទះជិតមូលដ្ឋាន ដែលក្រុមហ៊ុនមានការដំដុះនូវដំណាំខាងលើនេះ ហើយរកចំណូលបានល្អប្រសើរមិនបាច់ចេញទៅរកការងារនៅឆ្ងាយក្រៅស្រុកនោះទេ ។
ចំពោះអ្នកកាប់អំពៅក្រុមហ៊ុនគិតតម្លៃអាចរកបានច្រើនគួរសមក្នុងមួយថ្ងៃម្នាក់អាចរកប្រាក់ថ្លៃឈ្នួលកាប់អំពៅចាប់ពី៥ម៉ឺនរៀល ទៅ៦ម៉ឺនរៀល ។ ប្រសិនបើមានអ្នកចង់ទំនាក់ទំនងធ្វើការងារនេះ សូមទាក់ទងតាមលេខទូរស័ព្ទក្រុមហ៊ុន ០៨៨ ៨៧៧ ៧៣៣៣ ឬក៏អាចរកតាមអាស័យដ្ឋានភូមិកំពោតម្រាក់ ឃុំពពែត ស្រុកស្វាយទាប ខេត្តស្វាយរៀង ៕
ចែករំលែកព័តមាននេះ