ខេត្តកំពត ៖ ជ្រូកចំនួន២០០ក្បាលត្រូវបានក្រុមហ៊ុនមួយដឹកពីប្រទេសថៃចូលមកប្រទេសកម្ពុជា និងដឹកបន្តចូលទៅប្រទេសវៀតណាមទៀត ប៉ុន្តែនៅល្ងាចថ្ងៃទី៣ ខែធ្នូនេះ ជ្រូកចំនួន២០០ក្បាលនោះត្រូវបានក្រុមហ៊ុននោះដឹកយកមកស្តុកទុកនៅភូមិលកជិតច្រកទ្វារព្រំដែនអន្តរជាតិព្រែកចាក ស្ថិតក្នុងស្រុកកំពង់ត្រាច គ្រោងនឹងដឹកបន្តឆ្លងតាមច្រកទ្វារព្រែកចាក។ ការដឹកជ្រូកមកស្តុកចុះនៅកៀកជិតច្រកព្រំដែននេះ…
ខេត្តកំពត ៖ ជ្រូកចំនួន២០០ក្បាលត្រូវបានក្រុមហ៊ុនមួយដឹកពីប្រទេសថៃចូលមកប្រទេសកម្ពុជា និងដឹកបន្តចូលទៅប្រទេសវៀតណាមទៀត ប៉ុន្តែនៅល្ងាចថ្ងៃទី៣ ខែធ្នូនេះ ជ្រូកចំនួន២០០ក្បាលនោះត្រូវបានក្រុមហ៊ុននោះដឹកយកមកស្តុកទុកនៅភូមិលកជិតច្រកទ្វារព្រំដែនអន្តរជាតិព្រែកចាក ស្ថិតក្នុងស្រុកកំពង់ត្រាច គ្រោងនឹងដឹកបន្តឆ្លងតាមច្រកទ្វារព្រែកចាក។
ការដឹកជ្រូកមកស្តុកចុះនៅកៀកជិតច្រកព្រំដែននេះ ក៏មានមន្ត្រីគយនៅការិយាល័យព្រែកចាកនិងមន្ត្រីគយចល័តត្រួតពិនិត្យមើលចំនួនជ្រូក និងពិនិត្យមើលឯកសារផងដែរ។
មន្ត្រីគយទាំងអស់នោះបាននិយាយថា ជ្រូកចំនួន២០០ក្បាលនេះសុទ្ធតែត្រូវមានច្បាប់រួចរាល់អស់ហើយ ។
គេបានសំគាល់ឃើញថា សត្វជ្រូកតែងតែមានគេនាំចូលពីប្រទេសវៀតណាម តែពេលនេះត្រូវបានគេនាំចេញពីកម្ពុជាទៅប្រទេសវៀតណាមវិញ ៕ (កែសម្រួលដោយ ៖ ធីតា)
ចែករំលែកព័តមាននេះ