ប៉ះទង្គិច​គ្នា​ជាមួយ​ពួក​រត់ពន្ធ​គ្រឿង​ញៀនបាត់​បង់​ជីវិត​​២០​នាក់


ប្រទេស​ម៉ិក​ស៊ិ​ក ៖ យោង​តាម​អាជ្ញាធរ​មូលដ្ឋាន​ថា ការ​ប៉ះទង្គិច​គ្នា​រវាង​ពួក​អ្នករត់ពន្ធ​គ្រឿង​ញៀន​និង​កងកម្លាំង​សន្តិសុខ បណ្ដាល​ឲ្យ​មនុស្ស​សរុប​២០​នាក់បាន​បាត់​បង់​ជីវិត នា​ចុង​ស​ប្ដា​ហ៍​កន្លង​ទៅ​នៅ​ភាគ​ខាងជើង​ម៉ិ​ក​ស៊ិក​ជិត​ព្រំដែន​អា​មេ​រិ​ក​។

អភិបាល​រដ្ឋ ​COAHUILA​ លោក​មី​ហ្គែ​លអាន​ហ្សែ​ល​រី​កែ​លម៍ ក្នុង​សេចក្ដី​ប្រកាស​មួយ​ថ្លែង​ថា បន្ទាប់​ពី​ប្រយុទ្ធ​គ្នា​២៤​ម៉ោង​ជនខិលខូច​១៤​នាក់​បាន​ត្រួ​វបាត់​បង់​ជីវិត ហើយ​សមាជិក​កងកម្លាំង​សន្តិសុខ​៤​នាក់​ក៏បាន​បាត់​បង់​ជីវិត​​ដែរ ក្នុង​ការ​បំពេញ​កាតព្វកិច្ច​របស់​ពួក​គេ រួច​ជន​ស៊ី​វិល​មិន​ប្រដាប់​អាវុធ​២​នាក់​ដែល​ជនខិលខូច​ចាប់​ទុក​ត្រូវ​បាត់​បង់​ជីវិត​ផង​ដែរ​។

ការ​ប៉ះទង្គិច​គ្នា​ផ្ទុះ​ឡើង​ចាប់ពី​ព្រឹក​ថ្ងៃ​ទី​៣០ ​វិច្ឆិកា​មក ពេល​ប៉ូលិស​មូលដ្ឋាន​បាន​កំណត់​ឃើញ​រថយន្ត​ច្រើន​គ្រឿង​របស់​ពួក​ជន​ដែល​ប្រដាប់​អាវុធ កំពុង​តែ​បើកបរ​ក្នុង​មូលដ្ឋាន​វី​ល​ឡា​អ៊ុយ​នី​ញ៉ុ​ង​។ ពេល​នោះ​ប៉ូលិស​បាន​ស្នើ​កង​យោធា​ឲ្យ​ជួយ​ធ្វើ​អន្តរាគមន៍​។ ការ​បាញ់​តតាំង​គ្នា​បាន​ផ្ទុះ​ក្នុង​ចំណុច​ជា​ច្រើន​នៃ​ទីក្រុង​នោះ ស្ថិត​នៅ​ចម្ងាយ​ប្រមាណ​ជា​៦០​គីឡូម៉ែត្រ​ពី​ព្រំដែន​អា​មេ​រិ​ក​។

អភិបាល​រដ្ឋ​COAHUILA​អះអាង​ថា ​ការ​ប្រយុទ្ធ​គ្នា​នេះ​គឺជា​មួយ​ក្រុម​រត់ពន្ធ​គ្រឿងញៀន​NORESTE​ ដែល​បង្កើត​ឡើង​ក្នុង​រដ្ឋ​ជិតខាង ​TAMAULIPAS​ ក្រោយ​ការ​បំបែក​ខ្លួន​ពី​ក្រុម​ឧក្រិដ្ឋ​ ​ZETAS​។ ការ​ប៉ះទង្គិច​គ្នា​ទាំងនេះ​កើត​មាន​១​ឆ្នាំ បន្ទាប់​ពី​ការ​ឡើ​ង​កាន់​អំណាច​របស់​ប្រធានាធិបតី​ធ្វេ​ង​និយម​លោក អាន​ដ្រេ​ស​ម៉ា​នុយ​អែ​ល​ឡូ​ប៉េ​ស​អូ​ប្រា​ដូរ​៕ (​កែសម្រួល​ដោយ ៖ បុប្ផា​)

Facebook Google Twitter Email

ព័ត៌មាន​អន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

ការស្ទង់មតិគេហទំព័រថ្មី




សូម​អរគុណ