រកឃើញគ្រោងដាយណូស៊័រយក្សនៅអាហ្សង់ទីន
សារព័ត៌មានបរទេសកាលពីពេល ថ្មីៗកន្លងមកផ្សាយថា ក្រុមអ្នកវិទ្យាសាស្ត្រនៅអាហ្សង់ទីន បានប្រទះឃើញគ្រោងឆ្អឹងផូសុីលដាយណូស៊័រដ៏ធំ ដែលមិនធ្លាប់ឃើញនៅលើពិភពលោកពីមុនមក ។
សារព័ត៌មានបរទេសកាលពីពេល ថ្មីៗកន្លងមកផ្សាយថា ក្រុមអ្នកវិទ្យាសាស្ត្រនៅអាហ្សង់ទីន បានប្រទះឃើញគ្រោងឆ្អឹងផូសុីលដាយណូស៊័រដ៏ធំ ដែលមិនធ្លាប់ឃើញនៅលើពិភពលោកពីមុនមក ។
លោកឌីយេហ្គោ ប៉ូល អ្នកជំនាញផ្នែកគ្រោងផូសុីលរបស់អាហ្សង់ទីន ឱ្យដឹងថា កម្មករក្នុងកសិដ្ឋានមួយជាអ្នកប្រទះឃើញគ្រោងផូសុីលនោះ ដោយចៃដន្យ នៅតំបន់វាលខ្សាច់ជាយទីក្រុងឡាព្លីសា ប្រហែល២៥០គីឡូម៉ែត្រ នៅភាគខាងលិចក្រុងទ្រីលួ ភូមិភាគប៉ាតាហ្គោនីយ៉ា នៃទ្វីបអាមេរិកខាងត្បូង ។ ការជីករុករកបានចាប់ផ្តើមឡើង ក្រោយពីបុគ្គលិកជំនាញបានទទួលព័ត៌មានពីសារមន្ទីរផ្នែកបុរាណវិទ្យាអេហ្គីឌីយ៉ូ ហ្វេរូគ្លីយ៉ូ ។
នៅក្នុងការជីករុករកប្រទះឃើញគ្រោងផូសុីលដាយណូស៊័រខ្នាតធំចំនួន៧ បំណែក និងគ្រោងឆ្អឹងខ្នាតតូចប្រហែល១៥០បំណែក ជាដាយណូស៊័រពូជ «Titanosaur» សុីធញ្ញជាតិជាចំណី ។ តាមការសន្និដ្ឋាន ដាយណូស៊័រប្រភេទនេះរស់នៅក្នុងព្រៃនៃភូមិភាគប៉ាតាហ្គោនីយ៉ា ប្រហែលពី៩០ ទៅ១០០លានឆ្នាំមុន ដោយគណនាពីអាយុស្រទាប់ថ្ម ដែលផូសុីលដាយណូស៊័បានកប់ ។
គ្រោងដាយណូស៊័រ ១ ក្នុងចំណោម៧បំណែកធំ គឺជាឆ្អឹងភ្លៅត្រឹមត្រគាក បើនៅមានជីវិត ដាយណូស៊័រនេះមានដងខ្លួនប្រវែង៤០ម៉ែត្រ កម្ពស់២០ម៉ែត្រ ស្មើនឹងអគារកម្ពស់៧ជាន់ មានទម្ងន់៧៧តោន និងធ្ងន់ជាងដាយណូស៊័រ «អាហ្សង់ទីណូសូរ៉ាស់» ដែលជាប់ឯតទគ្គកម្មដងខ្លួនធំបំផុតនៅលើពិភពលោក មានទម្ងន់៧តោន ៕
ចែករំលែកព័តមាននេះ