មជ្ឈមណ្ឌលគ្រប់គ្រង និងការពារជំងឺសហរដ្ឋអាមេរិកនិយាយថា ជំងឺដំបៅដៃ ជើង និងមាត់ច្រើនតែប៉ះពាល់ដល់ទារក និងកុមារអាយុក្រោម ៥ ឆ្នាំ។
កុមារដែលមានអាយុតិចគឺខ្វះភាពស៊ាំនឹងវីរុសដែលបណ្តាលឲ្យមានជំងឺដំបៅដៃ ជើង និងមាត់នេះ (HFMD)។
មជ្ឈមណ្ឌលគ្រប់គ្រង និងការពារជំងឺសហរដ្ឋអាមេរិកនិយាយថារោគសញ្ញាធម្មតានៃជំងឺឆ្លងខ្លាំងរួមមាន ៖ គ្រុនក្តៅ ឈឺចាប់មាត់ និងមានកន្ទួលនៅលើដៃ និងជើង។
មជ្ឈមណ្ឌលគ្រប់គ្រង និងការពារជំងឺសហរដ្ឋអាមេរិកបានណែនាំឲ្យអ្នកម្តាយគួរប្រុងប្រយ័ត្ន និងធ្វើតាមជំហ៊ានងាយៗទាំងនេះ ដើម្បីការពារកូនពីការឆ្លងជំងឺ ៖
១-លាងដៃឲ្យបានញឹកញាប់ជាមួយសាប៊ូ និងទឹក ជាពិសេសបន្ទាប់ពីផ្លាស់ប្តូរកន្ទប ឬខោទឹកនោមឲ្យកូន។
២-ជៀសវាងការប៉ះភ្នែក ច្រមុះ និងមាត់របស់អ្នកដោយប្រើដៃដែលមិនលាងបានសំអាត។
៣-ចៀសវាងការថើប ឱប និងចែករំលែកពែង និងញ៉ាំរបស់របរប្រើប្រាស់ជាមួយអ្នកដែលមានជំងឺ។
៤-លាងសម្អាតរបស់របរដែលកូន និងអ្នកប្រើជាញឹកញាប់ ដូចជាប្រដាប់ប្រដារក្មេងលេងនិងទ្វារជាដើម (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ