តាមការសិក្សាថ្មីមួយបានរកឃើញថា មនុស្សជិត​១,២​ពាន់លាននាក់នៅទូទាំងពិភពលោក មានជំងឺផ្លូវចិត្ត ក្នុងឆ្នាំ២០២៣ ដែលឆ្លុះបញ្ចាំងពីការកើនឡើង៩៥,៥% ចាប់តាំងពីឆ្នាំ១៩៩០ ។នេះបើយោងតាមការផ្សាយរបស់ CNN ។

ការកើនឡើងច្រើនបំផុត គឺការថប់បារម្ភ និងជំងឺធ្លាក់ទឹកចិត្ត ដែលក៏ជាជំងឺទូទៅបំផុតនៅឆ្នាំ2023 ផងដែរ។ ចំណាត់ថ្នាក់ទីបី គឺជាប្រភេទជំងឺបុគ្គលិកលក្ខណៈ​នៅសេសសល់ដែលមិនមានជំងឺផ្លូវចិត្ត ឬការប្រើប្រាស់សារធាតុញៀនផ្សេងទៀត។

ការសិក្សានេះ ដែលបានចេញផ្សាយកាលពីថ្ងៃព្រហស្បតិ៍ នៅក្នុងទិនានុប្បវត្តិ The Lancet ក៏បានបង្ហាញពីរបៀបដែលនិន្នាការទាក់ទងនឹងជំងឺផ្លូវចិត្តចំនួន​12​ខុសគ្នាទៅតាមអាយុ ភេទ ទីតាំង និងកត្តាសង្គម-ប្រជាសាស្ត្រក្នុងចំណោមប្រទេស និងដែនដីចំនួន 204 ដែលបង្ហាញថា «យើងកំពុងចូលដល់ដំណាក់កាលដ៏គួរឱ្យព្រួយបារម្ភកាន់តែខ្លាំងឡើងនៃបន្ទុកជំងឺផ្លូវចិត្តកាន់តែអាក្រក់ទៅៗនៅទូទាំងពិភពលោក» អ្នកនិពន្ធបានសរសេរនៅក្នុងការសិក្សានេះ ។

លោកវេជ្ជបណ្ឌិត Damian Santomauro ដែលជាអ្នកនិពន្ធដំបូង និងជាអ្នកដឹកនាំការសិក្សា «មានការភ្ញាក់ផ្អើលយ៉ាងខ្លាំងចំពោះទំហំដ៏ធំធេងនេះ»គាត់បាននិយាយតាមរយៈអ៊ីមែល។

លោក Santomauro សាស្ត្រាចារ្យរងនៅសាលាសុខភាពសាធារណៈនៅសាកលវិទ្យាល័យ Queensland ក្នុងប្រទេសអូស្ត្រាលី​បានបន្ថែមថា «មានកត្តាជាច្រើនដែលដើរតួនាទីនៅទីនេះ ហើយវាពិបាកក្នុងការញែកពួកវាចេញពីគ្នាទាំងអស់»។ «ការដោះស្រាយកត្តាហានិភ័យទាំងនេះ តម្រូវឱ្យមានភាពជាអ្នកដឹកនាំរួមសកល» ។

ជំងឺផ្លូវចិត្តផ្សេងទៀតដែលវាស់វែងរួមមាន ជំងឺបាយប៉ូឡា ជំងឺវិកល ចរិក ជំងឺអូទីសឹម ជំងឺខ្វះការយកចិត្តទុកដាក់ ជំងឺហួសប្រមាណ ជំងឺស្រកទម្ងន់ ជំងឺ ប៊ូលី មៀ ជំងឺឌីសធីមៀ ជំងឺអាកប្បកិរិយា និងពិការភាពបញ្ញាអភិវឌ្ឍន៍ដែលមិនស្គាល់មូលហេតុ។ ជំងឺឌីសធីមៀ គឺជា​ទម្រង់នៃជំងឺធ្លាក់ទឹកចិត្ត រយៈពេលវែង ប៉ុន្តែស្រាល ​ ត្រូវបានគេស្គាល់ផងដែរថា ជាជំងឺធ្លាក់ទឹកចិត្តរ៉ាំរ៉ៃ ។ ជំងឺអាកប្បកិរិយា ប៉ះពាល់ដល់កុមារ និងក្មេងជំទង់ ហើយពាក់ព័ន្ធនឹងគំរូជាប់លាប់នៃអាកប្បកិរិយាមិនស្តាប់បង្គាប់ និងឈ្លានពាន ។

អ្នកស្រាវជ្រាវបានរកឃើញការកើនឡើងនៃជំងឺទាំង​១២​ប្រភេទ រួមទាំងការកើនឡើងនៃការថប់បារម្ភ​១៥៨% និងការកើនឡើង ១៣១% នៃជំងឺធ្លាក់ទឹកចិត្តបើប្រៀបធៀបទៅនឹងឆ្នាំ ១៩៩០ ។

​