រាជធានីភ្នំពេញ ៖ បុរសជនជាតិអាមេរិកម្នាក់ទំនងជាញៀនថ្នាំ យកកាំបិតចុងស្រួចអារ.កខ្លួនឯងដេកសន្លប់ក្នុងថ្លុកឈាម នៅក្នុងតូបលេខ៩៩ ផ្សារសូរិយាម៉ល នៅតាមផ្លូវលេខ១៥៤កែងផ្លូវ៥១ ក្នុងសង្កាត់ផ្សារថ្មីទី៣ ខណ្ឌដូនពេញ កាលពីវេលាម៉ោង១០និង១៥ព្រឹកថ្ងៃទី២០ ឧសភា ត្រូវបានក្រុមគ្រូពេទ្យជួយសង្គ្រោះ រួចផុតពីសេចក្តីស្លាប់ បច្ចុប្បន្នកំពុងសម្រាកនៅមន្ទីរពេទ្យកាល់ម៉ែត។
របាយការណ៍សមត្ថកិច្ចឱ្យដឹងថា ជនជាតិអាមេរិកដែលធ្វើអត្តឃាតខ្លួនឯងមានឈ្មោះFour Zon GaryDonald ភេទប្រុស អាយុ៥២ឆ្នាំ មានស្រុកកំណើតនៅរដ្ឋកាលីហ្វ័នីញ៉ា កាន់លិខិតលេខ៤២២០៦៤៥១៧ មកកម្ពុជាជាអ្នកទេសចរ។
របាយការណ៍ឲ្យដឹងទៀតថា ខណៈពេលដែលសន្តិសុខសូរិយាម៉លដើរមើលក្នុងផ្សារ មកដល់ចំណុចតូបលេខ៩៩ ស្រាប់តែប្រទះឃើញបុរសជនបរទេសម្នាក់មានអាយុប្រហែលជាង៥០ឆ្នាំស្លៀកពាក់ស្អាតបាតមានកាន់កាំបិតបត់ចុងស្រួចមួយនៅនឹងដៃ ទំនងជាញៀនថ្នាំបានដោះអាវហើយអារកខ្លួនឯង បណ្តាលឲ្យហូរឈាមស្រោចពេញខ្លួន ដេកសន្លប់ក្នុងថ្លុកឈាមបង្កឱ្យភ្ញាក់ផ្អើល ហើយភ្លាមៗសមត្ថកិច្ចមូលដ្ឋានបានទូរស័ព្ទហៅរថយន្តសាមុយមកដឹកជនរងគ្រោះយកទៅសង្គ្រោះនៅមន្ទីរពេទ្យកាល់ម៉ែត។
ចែករំលែកព័តមាននេះ