ខេត្តកំពង់ស្ពឺ ៖ ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តកំពង់ស្ពឺ លោក ចឹក បូរិន បានបង្ហោះនៅលើបណ្តាញសង្គមហ្វេកប៊ុកផ្ទាល់ខ្លួនលោក កាលពីថ្ងៃទី៥ ខែមករា…
ខេត្តកំពង់ស្ពឺ ៖ ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តកំពង់ស្ពឺ លោក ចឹក បូរិន បានបង្ហោះនៅលើបណ្តាញសង្គមហ្វេកប៊ុកផ្ទាល់ខ្លួនលោក កាលពីថ្ងៃទី៥ ខែមករា ឆ្នាំ២០២៦ ថា តម្រូវការកម្លាំងពលកម្មនៅសប្តាហ៍ទី១ ឆ្នាំ២០២៦ ក្នុងខេត្តកំពង់ស្ពឺ តស់បងប្អូន ប្រជាពលរដ្ឋខ្មែរទូទាំងប្រទេស ជាពិសេស បងប្អូនអតីតពលករមកពីប្រទេសថៃ និងបងប្អូនជនភៀសសឹក នៅខេត្តតាមព្រំដែន មិនទាន់មានការងារធ្វើ ហើយមានបំណងចង់ធ្វើការងារនៅតាម រោងចក្រ កាត់ដេរសម្លៀកបំពាក់ ដេរស្បែកជើង ផលិតកាបូប និងផលិតផលធ្វើដំណើរ និងសហគ្រាស ដទៃផ្សេងទៀត ក្នុងខេត្តកំពង់ស្ពឺ អាចទំនាក់ទំនងមកទៅលេខ១២៩៧ ឬទំនាក់ទំនងមកមន្ទីរការងារ និងបណ្តុះបណ្តាលវិជ្ជាជីវៈខេត្តកំពង់ស្ពឺបាន តាមរយៈលេខទូរស័ព្ទទំនាក់ទំនងខាងក្រោមនេះ។
លោក ចឹក បូរិន ប្រធានមន្ទីរការងារនិងបណ្តុះបណ្តាលវិជ្ជាជីវៈខេត្តកំពង់ស្ពឺបានបញ្ជាក់ទៀតថា ខេត្តកំពង់ស្ពឺ មានរោងចក្រ សហគ្រាស ចំនួន៩១កន្លែង កំពុងជ្រើសរើសបងប្អូនប្រជាពលរដ្ឋចូលបំពេញការងារ និងមានតម្រូវការកម្លាំងពលកម្មចំនួន១៩,០២៣នាក់។
ចំពោះប្រាក់ឈ្នួលទទួលបានទៅតាមម៉ោងការងារជាក់ស្តែង ករណីបងប្អូនធ្វើការងារបន្ថែមម៉ោង ២ម៉ោងក្នុងមួយថ្ងៃ នឹងទទួលបានប្រាក់ឈ្នួលចាប់ពី៣០០ដុល្លារឡើងទៅ៕
ចែករំលែកព័តមាននេះ