មហាបាតុកម្មដ៏ធំ ប្រឆាំងការបះបោរ

ថ្ងៃទី ២៧ ខែ វិច្ឆិកា ឆ្នាំ ២០១៩

ម៉ោង ០៧:៥០

ប្រទេសអ៊ីរ៉ង់ ៖ ពលរដ្ឋអ៊ីរ៉ង់កាលពីថ្ងៃទី២៥វិច្ឆិកាបានលើកគ្នាធ្វើមហាបាតុកម្មដ៏ធំ តាមការអំពាវនាវរបស់អាជ្ញាធរ ដើម្បីបរិហារការបះបោរបន្ទាប់ពីរលកនៃការតវ៉ានិងអំពើហិង្សា ដែលកក្រើកប្រទេសអ៊ីរ៉ង់កាលពីសប្ដាហ៍មុន។

អគ្គមេបញ្ជាការកងឆ្មាំបដិវត្តន៍អ៊ីរ៉ង់ឧត្ដមសេនីយហូសសាំងសាឡាមី ថ្លែងទៅកាន់ពួកបាតុករដែលនាំគ្នាស្រែក បរាជ័យអាមេរិក! បរាជ័យអ៊ីស្រាអែល! បរាជ័យពួកបំបែកបំបាក់!ថា សង្គ្រាមនោះបានបញ្ចប់ហើយ។ អន្លូងត្រូវបានសំពងលើពួកសត្រូវ។ មនុស្សម្នាដ៏ច្រើនបានលើកគ្នាមកតាមវិថីនានា ហើយប្រមូលផ្ដុំគ្នានៅទីលានបដិវត្តន៍។ បណ្ដារូបភាពផ្សាយបន្តផ្ទាល់តាមទូរទស្សន៍ បង្ហាញពួកបាតុករលើករូបរបស់មេដឹកនាំកំពូលអ៊ីរ៉ង់ លោកអាយ៉ាតុលឡាអាលីខាមេនី ដោយឧត្ដមសេនីយសាឡាមីអំពាវដល់ប្រជាជន១រូបៗរបស់អ៊ីរ៉ង់នាំគ្នាដើរតាមលោក។

អ៊ីរ៉ង់និយាយថា បានធ្វើឲ្យមានភាពស្ងប់ស្ងាត់ឡើងវិញបន្ទាប់ពីបាតុកម្មនិងអំពើហិង្សារយៈពេលច្រើនថ្ងៃ ដែលផ្ទុះពីថ្ងៃទី១៥វិច្ឆិកាមក ប៉ុន្មានម៉ោងក្រោយការប្រកាសពីការដំឡើងថ្លៃប្រេងសាំងគួរឲ្យភ្ញាក់ផ្អើលមក។

អាជ្ញាធរអ៊ីរ៉ង់រៀបរាប់ពីមនុស្សស្លាប់តែ៥នាក់ក្នុងចលាចលនោះ តែអង្គការលើកលែងទោសអន្តរជាតិAMNESTY INTERNATIONALវាយតម្លៃថា ចំនួនអ្នកស្លាប់មានដល់យ៉ាងតិច១៤៣នាក់ ហើយអ.ស.បសង្ស័យពីមនុស្សស្លាប់ច្រើនសិបនាក់។

ចាប់តាំងពីច្រើនថ្ងៃមកហើយអាជ្ញាធរនិយាយថា ការបះបោរតវ៉ាដែលក្នុងឱកាសនោះ បណ្ដាស្ថានីយចាក់ប្រេង ទីចាត់ការប៉ូលិស ព្រះវិហារនិងអគារសាធារណៈជាច្រើន ត្រូវដុតបំផ្លាញឬរងការវាយប្រហារ គឺជាលទ្ធផលនៃការរួមគំនិតមួយមានការលូកដៃពីខាងក្រៅ៕ (កែសម្រួលដោយ ៖ បុប្ផា)

អត្រាប្តូរប្រាក់

អត្រាប្តូរប្រាក់ផ្សេងទៀត