ហុងកុង ៖ ក្រោមហេតុផលសុវត្ថិភាព និងបញ្ហានៃការដឹកជញ្ជួន ការិយាល័យអប់រំហុងកុង បាននិយាយកាលពីថ្ងៃពុធ ទី១៣ ខែវិច្ឆិកា ឆ្នាំ២០១៩នេះថា សាលារៀនទាំងអស់នៅហុងកុង នឹងត្រូវផ្អាកថ្នាក់រៀននៅថ្ងៃព្រហស្បតិ៍ ទី១៤ ខែវិច្ឆិកា។ នេះបើយោងតាមការចុះផ្សាយរបស់ភ្នាក់ងារ Reuters។
ការិយាល័យអប់រំ បានធ្វើសេចក្តីប្រកាសនៅក្នុងសេចក្តីថ្លែងការណ៍មួយហើយបានជំរុញឱ្យក្រុមបាតុករបញ្ឈប់រាល់អំពើហិង្សាទាំងអស់។
នៅទីក្រុងហុងកុងបានត្រៀមលក្ខណៈសម្រាប់ការប៉ះទង្គិចគ្នាបន្ថែមទៀតនៅថ្ងៃពុធនេះ ខណៈក្រុមអ្នកតវ៉ាប្រឆាំងរដ្ឋាភិបាលបានធ្វើឱ្យផ្នែកខ្លះនៃមជ្ឈមណ្ឌលហិរញ្ញវត្ថុអាស៊ីមួយនេះ មានបញ្ហាធ្ងន់ធ្ងរឡើងៗ រហូតបណ្តាញខ្សែរដឹកជញ្ជួន និងអាជីវកម្មជាច្រើនបានបិទ បន្ទាប់ពីការកើនឡើងនៃអំពើហិង្សានៅហុងកុង ៕ (កែសម្រួលដោយ ៖ បុប្ផា)
ចែករំលែកព័តមាននេះ