រាជធានីភ្នំពេញ ៖ រដ្ឋបាលរាជធានីភ្នំពេញបានត្រៀមខ្លួនជាស្រេចក្នុងការចូលរួមថែរក្សាអនាម័យ បរិស្ថាន និងសោភ័ណភាពទីក្រុង ខណៈដែលព្រះរាជពិធីបុណ្យអ៊ុំទូក បណ្តែតប្រទីប សំពះព្រះខែ អកអំបុក នឹងឈានមកដល់ក្នុងពេលខាងមុខនេះ ដោយបានឧបត្ថម្ភ នូវម៉ូតូដឹកសំរាមបែបទំនើបៗរាប់សិបគ្រឿង ដែលអាចបែនចាក់សំរាមបានដល់ខណ្ឌចំនួន៤ដែលមមាញឹកខ្លាំងជាមួយពិធីបុណ្យនេះ ។
ការប្រគល់ម៉ូតូដឹកសំរាមទំនើបៗ ជូនខណ្ឌទាំងបួននេះបានធ្វើឡើងកាលពីល្ងាចថ្ងៃទី៤ ខែវិច្ឆិកា ឆ្នាំ២០១៩ នៅសាលារាជធានីភ្នំពេញ ក្រោមវត្តមានលោក ឃួង ស្រេង អភិបាលរាជធានីភ្នំពេញ ។
ខណ្ឌដែលទទួលបានម៉ូតូដឹកសំរាមទំនើបៗនេះរួមមាន ៖ ខណ្ឌជ្រោយចង្វារ, ខណ្ឌដូនពេញ, ខណ្ឌចំការមន និងខណ្ឌបឹងកេងកង ដើម្បីយកទៅប្រគល់ជូនបន្ត ទៅគ្រប់សង្កាត់ទាំងអស់ នៃខណ្ឌទាំងបួននេះ ខណៈដែលខណ្ឌទាំងបួន សុទ្ធតែជាខណ្ឌសំខាន់ ក្នុងការត្រៀមប្រមូលយកសំរាម និងសំអាត ដើម្បីសោភណ្ឌភាពទីក្រុង និងអនាម័យបរិស្ថាន ក្នុងអំឡុងពេលព្រះរាជពិធីបុណ្យអ៊ុំទូក បណ្តែតប្រទីប សំពះព្រះខែ អកអំបុក ដែលនឹងធ្វើឡើង នៅបណ្តោយមាត់ទន្លេមុខព្រះបរមរាជ្យវាំង ។
លោក កើត ឆែ អភិបាលរងរាជធានីភ្នំពេញ បានអោយដឹងថា ជាទិសដៅ រដ្ឋបាលរាជធានីភ្នំពេញ នឹងធ្វើការប្រគល់ជូន ម៉ូតូដឹកសំរាមទំនើប ដែលអាចបែនចាក់សំរាមបាននេះ ទៅប្រគល់ជូនគ្រប់ខណ្ឌទាំង១៤ ដើម្បីប្រគល់បន្តអោយគ្រប់សង្កាត់ ក្នុងរាជធានីភ្នំពេញ ងាយស្រួលក្នុងការនាំយកកាក់សំណល ទៅចាក់ឬប្រមូលផ្តុំ នៅទីលានចាក់សំរាម ធ្វើយ៉ាងណាពន្លឿនការងារ ប្រមូលសំរាម និងថែរក្សាបរិស្ថាន អនាម័យជូនប្រជាពលរដ្ឋ ក្នុងរាជធានីភ្នំពេញអោយបានល្អប្រសើរ ចៀសវាងការថ្នាក់ថ្នាក់ពីសំណាក់ប្រជាពលរដ្ឋដែលមានកន្លងមក ខណៈដែលក្រុមហ៊ុន ស៊ិន ទ្រីទទួលបន្ទុកក្នុងការប្រមូលសំរាម ៕
កែសម្រួលដោយ ៖ សំណាង
ចែករំលែកព័តមាននេះ