ខេត្តបន្ទាយមានជ័យ ៖ ក្រោយពេលក្រុមឧទ្ទាមក្រៅច្បាប់បានស្រែកឡូងៗពីក្រៅប្រទេសថា នឹងចូលមកកម្ពុជា នាថ្ងៃទី៩ វិច្ឆិកា ខាងមុខ កងកម្លាំង៣ប្រភេទក្នុងខេត្តបន្ទាយមានជ័យ រួមមាននគរបាល យោធានិងអាវុធហត្ថ…
ខេត្តបន្ទាយមានជ័យ ៖ ក្រោយពេលក្រុមឧទ្ទាមក្រៅច្បាប់បានស្រែកឡូងៗពីក្រៅប្រទេសថា នឹងចូលមកកម្ពុជា នាថ្ងៃទី៩ វិច្ឆិកា ខាងមុខ កងកម្លាំង៣ប្រភេទក្នុងខេត្តបន្ទាយមានជ័យ រួមមាននគរបាល យោធានិងអាវុធហត្ថ ត្រូវបានគេដាក់ពង្រាយរាប់សិបគោលដៅ តាមដងផ្លូវជាតិ-ព្រំដែនពិសេស នៅមាត់ច្រកទ្វារតំបន់និងអន្តរជាតិ ដែលថ្នាក់ដឹកនាំក្នុងខេត្តមួយនេះអះអាងថា ធ្វើឡើងដើម្បីការពារសន្តិសុខសណ្តាប់ធ្នាប់សង្គម ពិសេសការពារសុខសន្តិភាព និងនាយករដ្ឋមន្ត្រីស្របច្បាប់កើតចេញពីកាបោះឆ្នោត។
ក្រៅពីនេះ រូបភាពនិងឈ្មោះក្រុមឧទ្ទាមក្បត់ជាតិចំនួន២១ ដូចជាទណ្ឌិតសម រង្ស៊ី, អេង ឆៃអ៊ាង, ជូ ឡុងសូមូរ៉ា, មូរ សុខហួរ, តុវ៉ាន់ ចាន់, ម៉ែន សុថាវរិន្ទ្រ, ឃក់ នាង, ឡុង រី, ម៉ន ផល្លា, ឃ្លាំង ប៊ុនឡាយ, អ៊ុំ សំអាន,ហៃ វណ្ណា, ម៉ោញ សារ៉ាត់, លី រតនៈរស្មី, អ៊ីសា ឧស្មាន, អ៊ូ ច័ន្ទឬទ្ធិ, នុត រំដួល, ហូរ វ៉ាន់, កាក់ កុម្ភារៈ, ឆាំសុភាន់ និងរ័ត្ន សុធី ត្រូវបានកងកម្លាំងបិទប្រកាសតាមដើមឈើអមសងខាងផ្លូវជាតិលេខ៥ និងទីតាំងផ្សេងៗ សូម្បីតាមជញ្ជាំងអគារនៅមាត់ច្រកតំបន់ និងអន្តរជាតិប៉ោយប៉ែត និងច្រករបៀងនានាផងដែរ។
រថយន្តឆ្លងចេញ-ចូលពីប្រទេសថៃ ត្រូវបានឱ្យយឈប់ ដើម្បីត្រួតពិនិត្យហើយចាប់ពីចំណុចរង្វង់មូលច្រកទ្វារទៅដល់ស្ពានមិត្តភាពកម្ពុជា-ថៃ ច្រកទ្វារអន្តរជាតិប៉ោយប៉ែត កងកម្លាំងទាំង៣ប្រភេទខាងលើ ត្រូវបានបោះទីតាំងឈរជើងស្អេកស្កះ ប្រដាប់ដោយអាវុធត្រៀមចាំកម្ទេចក្រុមឧទ្ទាមក្បត់ជាតិទៀតផង ប្រសិនបើហ៊ានបង្កចលាចលណាមួយ ។
ចែករំលែកព័តមាននេះ