សហរដ្ឋអាមេរិក-ចិន ៖ រយៈពេលចុងក្រោយនេះសហរដ្ឋអាមេរិកហាក់ដូចជាមានការខ្លាច ហៅការភ័យខ្លាចក្រហមចំពោះការប្រើបណ្ដាដ្រូនរបស់ចិនក្នុងប្រទេសខ្លួន។ ឥឡូវពុំមែនរុស្ស៊ីទេដែលធ្វើឲ្យសេតវិមាន មានការព្រួយបារម្ភតែគឹចិន។ សង្គ្រាមពាណិជ្ជកម្មរវាងប្រទេសទាំង២ ចាប់តាំងពីប៉ុន្មានខែមកហើយក្លាយជាហេតុផលនៃការភ័យខ្លាច ដល់ការធ្វើចារកម្មរបស់ចិន។ បញ្ហាសម្រាប់សហរដ្ឋអាមេរិកគឺថា…
សហរដ្ឋអាមេរិក-ចិន ៖ រយៈពេលចុងក្រោយនេះសហរដ្ឋអាមេរិកហាក់ដូចជាមានការខ្លាច ហៅការភ័យខ្លាចក្រហមចំពោះការប្រើបណ្ដាដ្រូនរបស់ចិនក្នុងប្រទេសខ្លួន។
ឥឡូវពុំមែនរុស្ស៊ីទេដែលធ្វើឲ្យសេតវិមាន មានការព្រួយបារម្ភតែគឹចិន។ សង្គ្រាមពាណិជ្ជកម្មរវាងប្រទេសទាំង២ ចាប់តាំងពីប៉ុន្មានខែមកហើយក្លាយជាហេតុផលនៃការភ័យខ្លាច ដល់ការធ្វើចារកម្មរបស់ចិន។ បញ្ហាសម្រាប់សហរដ្ឋអាមេរិកគឺថា ចិនត្រួតត្រាខ្សែសង្វាក់ផលិតកម្មខាងបច្ចេកវិទ្យាជាច្រើន ហើយផលិតផលទាំងនោះក៏ច្រើនដែរត្រូវបានខាងផ្នែកសាធារណៈអាមេរិកប្រើក្នុងដែនដីខ្លួន។
តាមកាសែតWALL STREET JOURNALថា ពិសេសបំផុតដ្រូនដល់ទៅជាង៨០០គ្រឿងដែលសុទ្ធតែផលិតនៅចិន ឬមានបំពាក់បណ្ដាឧបករណ៍ចិនត្រូវបានប្រើប្រាស់ដោយក្រសួងមហាផ្ទៃអាមេរិក។ ដោយលើកហេតុផលពីសន្តិសុខជាតិ ក្រសួងនោះបានសម្រេចផ្អាកបណ្ដោះអាសន្នការប្រើដ្រូនទាំងនេះ។
រដ្ឋមន្ត្រីមហាផ្ទៃអាមេរិកលោកDAVID BERNHARDT បានចេញបញ្ជាកាលពីថ្ងៃទី៣០តុលាឲ្យឈប់ប្រើប្រាស់ដ្រូនទាំងនោះ ទុកពេលឲ្យក្រសួងអាចធ្វើការស៊ើបអង្កេតពេញលេញ លើគ្រោះថ្នាក់ដែលដ្រូនទាំងនេះអាចបង្កឡើង។ អាមេរិកខ្លាចដ្រូនទាំងនោះអាចថតបណ្ដារូបភាពពីលើអាកាស បណ្ដាហេដ្ឋារចនាសម្ព័ន្ធរសើបនានារបស់ខ្លួន។ បែបនោះផ្ដល់លទ្ធភាពខ្ពស់ដល់ការវាយប្រហារខាងព័ត៌មានវិទ្យា៕ (កែសម្រួលដោយ ៖ បុប្ផា)
ចែករំលែកព័តមាននេះ