ខេត្តព្រៃវែង ៖ មនុស្សប្រុស-ស្រីចំនួន១១នាក់ ត្រូវបានកំលាំងកងរាជអាវុធហត្ថខេត្តព្រៃវែង សហការជាមួយកំលាំងកងរាជអាវុធហត្ថខេត្តស្វាយរៀង ចូលក្រសោបនិងឃាត់ខ្លួនបាន កាលពីវេលាម៉ោង១១ និង៤០នាទីថ្ងៃត្រង់ ថ្ងៃទី៣ វិច្ឆិកា នៅចំណុចផ្ទះសំណាក់យីហោ ស សារឿន ដែលស្ថិតក្នុងភូមិ៥ ឃុំព្រែកខ្សាយ(ខ) ស្រុកពាមរក៍ ខេត្តព្រៃវែង។
ការឃាត់ខ្លួននេះ មាន៣នាក់គឺជាជនជាតិខ្មែរ និង៨នាក់ទៀត គឺជាជនជាតិវៀតណាម ហើយប្រតិបត្តិការណ៌នេះធ្វើឡើងក្រោមការសម្របសម្រួលពីលោកព្រះរាជអាជ្ញាអមសាលាដំបូងខេត្តព្រៃវែង ពាក់ពន្ធ័លើករណីបង្ខាំមនុស្សដោយខុសច្បាប់។
លោកឧត្តមសេនីយ ឈួន គឹមសាន្ត បានបន្តទៀតថា ជនដែលត្រូវឃាត់ខ្លួនទាំង១១នាក់នោះ មាន៥នាក់គឺជាជនរងគ្រោះ ដែលត្រូវបានគេចាប់យកមកបង្ខាំងទុក ។ ដោយឡែក២នាក់ផ្សេងទៀត ដែលត្រូវឃាត់ខ្លួនដែរនោះ ពុំមានជាប់ពាក់ពន្ធ័អ្វីទេ ប៉ុន្តែក្នុងពេលដែលកំលាំងសមត្ថកិច្ចចុះទៅបង្ក្រាប អ្នកទាំង២ស្ថិតនៅក្នុងទីតាំងនោះដែរ ទើបត្រូវបានឃាត់ខ្លួនមកជាមួយគ្នាតែម្តង។
ប្រភពដដែលបានបញ្ជាក់ថា ជនរងគ្រោះទាំង៥នាក់ ត្រូវបានក្រុមជនសង្ស័យធ្វើការចាប់បង្ខាំងនៅក្នុងកាស៊ីណូមួយកន្លែងក្នុងក្រុងបាវិត ហើយបាននាំខ្លួនយកមកទុកនៅក្នុងផ្ទះសំណាក់ខាងលើជាច្រើនថ្ងៃមកហើយ រហូតដល់កំលាំងអាវុធហត្ថខេត្តស្វាយរៀង ទទួលបានពាក្យបណ្តឹងពីក្រុមគ្រួសារជនរងគ្រោះ ពាក្យព័ន្ធការបាត់ខ្លួនរបស់ជនរងគ្រោះ ទើបកំលាំងអាវុធហត្ថខេត្តស្វាយរៀង ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ