ខេត្តមណ្ឌលគិរី ៖ ខេត្តមណ្ឌលគិរី នឹងរៀបចំព្រឹត្តិការណ៍សម្រាប់ទាក់ទាញភ្ញៀវទេសចរជាតិ និងអន្តរជាតិទស្សនា និងលំហែកាយនៅថ្ងៃបុណ្យឯករាជ្យជាតិ និងពិធីបុណ្យអុំទូក នៅពេលខាងមុខនេះ។ លោក ងិន…
ខេត្តមណ្ឌលគិរី ៖ ខេត្តមណ្ឌលគិរី នឹងរៀបចំព្រឹត្តិការណ៍សម្រាប់ទាក់ទាញភ្ញៀវទេសចរជាតិ និងអន្តរជាតិទស្សនា និងលំហែកាយនៅថ្ងៃបុណ្យឯករាជ្យជាតិ និងពិធីបុណ្យអុំទូក នៅពេលខាងមុខនេះ។
លោក ងិន សុវិមាន ប្រធានមន្ទីទេសចរណ៍ខេត្តមណ្ឌលគិរីបានលើកឡើងក្នុងសន្និសិទ្ធ សារព័ត៌មាន ព្រឹកថ្ងៃទី០១ ខែវិច្ឆិកាដែលនឹងប្រព្រឹត្តិនៅពេលខាងមុខនេះ នឹងផ្តល់អត្ថប្រយោជន៍នឹងចាប់អារម្មណ៍ដល់ប្រជាពលរដ្ឋក៏ដូចជា ភ្ញៀវទេសចរជាតិ និងអន្តរជាតិ បើមានការផ្សព្វផ្សាយឲ្យមានភាពទូលំទូលាយ ។ លោកបញ្ជាក់ថា ៖«ព្រឹត្តិការណ៍នេះ គឺជាព្រឹត្តិការណ៍មួយប្លែកដែលខេត្តមណ្ឌលគិរីមិនដែលបានធ្វើ ហើយប្លែកពីអ្វីដែលយើងធ្លាប់ធ្វើពីមុន ហើយយើងនឹងចាប់ អារម្មណ៍ចំពោះភ្ញៀវទេចរដែលទស្សនាផងដែរ ។
លោកប្រធានមន្ទីរក៏ស្នើសុំឲ្យមានការផ្សព្វផ្សាយបានទូលំទូលាយ ពិសេសនោះដល់ អ្នកទេចរណ៍ ជាតិអន្តរជាតិផងដែរ ។ លោកថា ព្រឹត្តិការណ៍នេះក៏ជាមេរៀនសម្រាប់ អ្នកនៅ មណ្ឌលគិរីក្នុងការរៀនសូត្រដូចជា ការតាំងពិព័រណ៌ម្ហូបអាហារដែលមានអនាម័យ ការបោះតង់ នៅតាមកន្លែងទស្សនាផ្សេងៗជាដើម ។
លោក សុខ វណ្ណា ប្រធាននាយករដ្ឋានកីឡាទេចរណ៍ និងសេវាកម្សាន្តនៃក្រសួងទេស ចរណ៍បានលើកឡើងថា ព្រឹត្តិការណ៍នេះក៏ជាបំណងមួយរបស់ក្រសួងទេចរណ៍ ក៏ដូចជា រាជរដ្ឋាភិបាល ដែលទាមទារឲ្យក្រុមហ៊ុនចូលរួម ដើម្បី ធ្វើយ៉ាងណាឲ្យសហការគ្នាដើម្បីជំរុញកំណើនទេសចរណ៍ជាតិ និងអន្តរជាតិមកទស្សនានៅក្នុងខេត្តមណ្ឌលគិរី ក៏ដូចជា នៅក្នុងប្រទេសកម្ពុជា ។
លោកបញ្ជាក់ថា ៖«អីញ្ចឹងពេលដែលយើងជំរុញវិស័យទេសចរណ៍ក្នុងស្រុកបានទូលាយដោយផ្អែកលើគោលដៅទេសចរណ៍នីមួយៗនោះផលិតផលទេសចរណ៍ថ្មីៗក៏អាចកើតឡើងផងដែរ។ ជាក់ស្តែងនោះខេត្តមណ្ឌលគិរី គឺជាខេត្តមួយលិចធ្លោក្នុងវិស័យអេកូទេចរណ៍ក៏ដូចជា អាកាសធាតុល្អ» ៕
ចែករំលែកព័តមាននេះ