ដោយមើលឃើញពីសក្តានុពលនៃទីផ្សារទេសចរណ៍នៅអាស៊ីខាងត្បូង ក្រសួងទេសចរណ៍កម្ពុជា បានកំពុងតែរៀបចំពង្រឹង និងសម្របសម្រួលទីផ្សារនេះហើយ ដើម្បីជំរុញវិស័យទេសចរណ៍នៅក្នុងប្រទេសឲ្យមានកំណើនឡើងវិញ ដោយមានការយកចិត្តទុកដាក់ ជាពិសេសដល់ការទាក់ទាញប្រជាជនឥណ្ឌាជាង១៤០០លាននាក់ ។ ពាក់ព័ន្ធនឹងកិច្ចការនេះ លោក…
ដោយមើលឃើញពីសក្តានុពលនៃទីផ្សារទេសចរណ៍នៅអាស៊ីខាងត្បូង ក្រសួងទេសចរណ៍កម្ពុជា បានកំពុងតែរៀបចំពង្រឹង និងសម្របសម្រួលទីផ្សារនេះហើយ ដើម្បីជំរុញវិស័យទេសចរណ៍នៅក្នុងប្រទេសឲ្យមានកំណើនឡើងវិញ ដោយមានការយកចិត្តទុកដាក់ ជាពិសេសដល់ការទាក់ទាញប្រជាជនឥណ្ឌាជាង១៤០០លាននាក់ ។
ពាក់ព័ន្ធនឹងកិច្ចការនេះ លោក ហួត ហាក់ រដ្ឋមន្ត្រីក្រសួងទេសចរណ៍ បានដឹកនាំកិច្ចប្រជុំពិភាក្សាការងារជាមួយក្រុមអ្នកវិនិយោគឥណ្ឌានៅកម្ពុជា ដឹកនាំដោយ លោក គីរ៉ាន់ គូម៉ា រ៉េដឌី (Kiran Kumar Reddy)តំណាងសហគមន៍ឥណ្ឌានៅកម្ពុជា និងដោយមានការអញ្ជើញចូលរួមពីអ្នកពាក់ព័ន្ធមួយចំនួន ។ ឥណ្ឌាមានប្រជាជនជាង១៤០០លាននាក់ ដោយច្រើនជាងគេបំផុតក្នុងពិភពលោក ។
នៅក្នុងកិច្ចប្រជុំនេះ ភាគីពាក់ព័ន្ធបានពិភាក្សា សំដៅពិនិត្យឡើងវិញអំពីលទ្ធភាពនៃការសម្រួល និតិវិធីនៃការធ្វើដំណើរចូល-ចេញកម្ពុជា សម្រាប់បណ្តាប្រទេសអាស៊ីខាងត្បូងដូចជា ប្រទេសឥណ្ឌា ប៉ាគីស្ថាន នេប៉ាល់និ ងបង់ក្លាដេសជាដើម ។
១១ខែ នៃឆ្នាំ២០២៥ ភ្ញៀវទេសចរបរទេស ចូលមកទស្សនាប្រទេសកម្ពុជាសម្រេចបានប្រមាណជា ៥,១៧លាននាក់ ធ្លាក់ចុះជិត១៤ភាគរយ ប៉ុន្តែទីផ្សារទេសចរនៅអាស៊ីខាងត្បូង បានជាងជិត១២ម៉ឺននាក់ កើនឡើង១,២ភាគរយដែរ ៕
ចែករំលែកព័តមាននេះ