តារាកំប្លែងជើងចាស់ លោកតា សង់ ស៊ីស ដួ.លផ្កា.ប់មុខ លែ.ងដឹងខ្លួន កំពុងសង្គ្រោះបន្ទាន់នៅមន្ទីរពេទ្យ
- ភ្នំពេញ
រាជធានីភ្នំពេញ ៖ មហាជនបានសម្តែងក្តីបារម្ភយ៉ាងខ្លាំង បន្ទាប់ពីទទួលដំណឹងថា តារាកំប្លែងជើងចាស់លោកតា សង់ ស៊ីស បានដួលផ្កាប់មុខ លេងដឹងខ្លួន ខណៈពេលដែលក្រុមគ្រួសារបានបញ្ជូនលោកមកសង្គ្រោះបន្ទាន់ភ្លាមៗក្នុងមន្ទីរពេទ្យ នៅថ្ងៃទី៨ ខែតុលា ឆ្នាំ២០២៦ នេះ ។
យោងតាមវីដេអូឃ្លីបខ្លីដែលត្រូវបានបង្ហោះដោយនាយ សង់ សេត ដែលជាកូនប្រុសរបស់លោកតា សង់ ស៊ីស បានឲ្យដឹងថា ឪពុករបស់លោកបានដួលផ្កាប់មុខពេលចុះពីលើឡាន ហើយបច្ចុប្បន្នលោកបានយកឪពុកទៅសង្គ្រោះបន្ទាន់នៅមន្ទីរពេទ្យលោកសង្ឃ ។
យ៉ាងណាក៏ដោយ មកទល់នាពេលនេះគេនៅមិនទាន់ដឹងពីស្ថានភាពរបស់លោកតា សង់ ស៊ីស យ៉ាងណានៅឡើយទេ ក្នុងពេលដែលកោះសន្តិភាពបានព្យាយាមទាក់ទងលោក សង់ សេត ដែលជាកូន តែមិនទាន់មានការឆ្លើយតប ។
ជាការកត់សម្គាល់ ក្រោយពីមានការបង្ហោះពីស្ថានភាពរបស់លោកតា សង់ ស៊ីស នាពេលនេះ គេឃើញមហាជនជាច្រើនបានចូលទៅខំមិន ដោយម្នាក់ៗបានជូនពរដល់តារាកំប្លែងរូបនេះឆាប់ជាសះស្បើយ និងមានសុខភាពល្អឡើងវិញ ។
គួរបញ្ជាក់ថា ក្នុងវ័យប្រមាណ៨០ឆ្នាំ លោក ម៉ារី សុន ហៅនាយសង់ ស៊ីស គឺតារាកំប្លែងជើងចាស់មួយរូបដែលមានឈ្មោះបោះសម្លេងមួយរូប នៅក្នុងវិស័យសិល្បៈខ្មែរ ក្នុងពេលដែលលោកក៏ត្រូវបានគេចាត់ទុកជាអ្នកសិល្បៈដែលមានពហុជំនាញផងដែរ ។
រយៈពេលជាង១០ឆ្នាំចុងក្រោយមកនេះ លោកបាត់បង់សមត្ថភាពសម្តែងស្ទើរទាំងស្រុង ដោយសារតែរូបលោកញាំញីដោយជំងឺ បូករួមនិងភាពចាស់ជារាផងដែរ ។ ប៉ុន្តែជារឿយៗលោកតែងតែនឹករលឹកមកដល់អាជីពសិល្បៈដែលធ្លាប់ប្រឡូកអស់ជាច្រើនឆ្នាំ ។
បច្ចុប្បន្នលោក សង់ ស៊ីស មានកូនប្រុស ស្រី ២រូបដែលកំពុងស្នងអាជីពសិល្បៈពីលោក គឺលោក សង់ សេត ជាតារាកំប្លែង និងអ្នកនាង ស៊ុន ស្រីពេជ្រ ដែលជាតារាចម្រៀងដ៏ល្បីម្នាក់ផងដែរ៕
ចែករំលែកព័តមាននេះ