រដ្ឋបាលខេត្តកំពង់ចាម បានប្រកាសថា រដូវបើកដំណើរការរមណីយដ្ឋានធម្មជាតិ ឆ្នេរខ្សាច់កោះប៉ែន ដែលអ្នកទេសចរជាតិ និងអន្តរជាតិ អាចឆ្លងស្ពានប្រដឺសឬស្សីប្រវែង១.០០០ម៉ែត្រ បានកំពុងដំណើរការ ។ លោក…
រដ្ឋបាលខេត្តកំពង់ចាម បានប្រកាសថា រដូវបើកដំណើរការរមណីយដ្ឋានធម្មជាតិ ឆ្នេរខ្សាច់កោះប៉ែន ដែលអ្នកទេសចរជាតិ និងអន្តរជាតិ អាចឆ្លងស្ពានប្រដឺសឬស្សីប្រវែង១.០០០ម៉ែត្រ បានកំពុងដំណើរការ ។
លោក អ៊ុន ចាន់ដា អភិបាលខេត្តកំពង់ចាម បានលើកឡើងថា នេះ គឺជារមណីដ្ឋានធម្មជាតិកែច្នៃមួយកន្លែងនៅខេត្តកំពង់ចាម ហើយវាមានតែនៅរដូវទឹកស្រកប៉ុណ្ណោះ ។
លោកបានលើកទឹកចិត្ត ឲ្យអ្នកទេសចរជាតិ និងអន្តរជាតិទៅលេងកម្សាន្ត ពីព្រោះទីនោះមាន ឆ្នេរខ្សាច់ទន្លេស្រស់ស្អាត ដែលជារមណីយដ្ឋានដ៏ល្បីល្បាញ និងស្រស់ត្រកាលមួយរបស់ខេត្តកំពង់ចាម ដែលគេអាចហៅបានទៀតថា ឆ្នេរខ្សាច់សមុទ្រទឹកសាប ។
ដោយឡែកលោក ប៊ុន ដារ៉ា ប្រធានគ្រប់គ្រងរមណីយដ្ឋានឆ្នេរកោះប៉ែន បានឲ្យដឹងថា ស្ពានប្រដឺសឬស្សីកោះប៉ែន សាងសង់ឆ្លងកាត់ទន្លេមេគង្គ តភ្ជាប់ពីត្រើយម្ខាងមុខវត្តដីដុះ ក្រុងកំពង់ចាម ភ្ជាប់ទៅរមណីយដ្ឋានធម្មជាតិ ឆ្នេរកោះប៉ែន មានប្រវែង ១.០០០ ម៉ែត្រ ទទឹង២ម៉ែត្រ ដែលអាចធ្វើដំណើរដោយថ្មើរជើងបាន ៕
ចែករំលែកព័តមាននេះ