Messi, Cristiano Ronaldo និង Neymar គឺជាកីឡាករដែលរកចំណូលបានច្រើនជាងគេក្នុងវិស័យបាល់ទាត់នាពេលបច្ចុប្បន្ននេះ ប៉ុន្តែតើនរណាជាកីឡាករវ័យក្មេង ដែលរកចំណូលបានច្រើនជាងគេ? មនុស្សជាច្រើនគិតថា Kylian…
Messi, Cristiano Ronaldo និង Neymar គឺជាកីឡាករដែលរកចំណូលបានច្រើនជាងគេក្នុងវិស័យបាល់ទាត់នាពេលបច្ចុប្បន្ននេះ ប៉ុន្តែតើនរណាជាកីឡាករវ័យក្មេង ដែលរកចំណូលបានច្រើនជាងគេ?
មនុស្សជាច្រើនគិតថា Kylian Mbappe គឺជាកីឡាករដែលទទួលបានប្រាក់ឈ្នួលខ្ពស់បំផុត ប៉ុន្តែ Luka Jovic របស់ Real Madrid តាមពិតទៅរកប្រាក់បានច្រើនជាងនេះទៅទៀត។ ខ្សែប្រយុទ្ធ Real Madrid វ័យ ២០ ឆ្នាំ ដែលមិនបានធ្វើឱ្យមានការចាប់អារម្មណ៍នោះ ត្រូវបានគេរាយការណ៍ថាបានទទួលប្រាក់ឈ្នួលប្រចាំសប្តាហ៍ចំនួន ៣៦៥០០០ផោន។
អ្នកនៅលេខបន្ទាប់គឺ Mbappe ដែលជាម្ចាស់ពាន FIFA World Cup 2018។ គេរកប្រាក់បាន ៣២៥០០០ផោន ក្នុងមួយសប្តាហ៍នៅ Paris Saint-Germain ខណៈដែល Joao Felix របស់ Atletico Madrid ស្ថិតនៅចំណាត់ថ្នាក់លេខ ៣ ជាមួយនឹងប្រាក់ ២៥៥០០០ផោន ក្នុងមួយសប្តាហ៍។
ខ្សែការពារថ្មីរបស់ក្លឹបសេះបង្កង់ Juventus គឺ Matthijs de Ligt និង Christian Pulisic របស់ក្រុមតោខៀវ Chelsea ឈរនៅចំណាត់ថ្នាក់ទី៤ និងទី៥ រៀងៗខ្លួន ដោយ Ousmane Dembele និង Marcus Rashford ក៏ជាប់ក្នុងចំណាត់ថ្នាក់ Top10 ផងដែរ។
ចែករំលែកព័តមាននេះ