មុននេះបន្តិច! ផ្អើលឆោឡោ​អគ្គិភ័យ​ឆាប​ឆេះ​យ៉ាងសន្ធោសន្ធៅ​នៅម្តុំ​​ផ្សារលើ​ (មាន​វីដេអូ​)


ខេត្ត​ព្រះសីហនុ ៖ តាមសេចក្តីរាយការណ៍បឋមបាន​ឱ្យ​ដឹង​ថា មានករណី​​អគ្គិ​ភ​យ័​ឆេះ​តូប​លក់ដូរ​​យ៉ាង​សន្ធោសន្ធៅ​នៅ​ម្តុំ​ខាងក្រោយ​ផ្សា​រលើ​ ក្រុងព្រះសីហនុ ជាប់​នឹង​ផ្សារ​មជ្ឈមណ្ឌល​ពាណិជ​កម្ម ស្ថិត​ក្នុង​សង្កាត់​លេខ​៤ ក្រុងព្រះសីហនុ ​កាលពីវេលា​ម៉ោងជាង​៩​និង​៥០​នាទី​ព្រឹក​ថ្ងៃ​ទី៣១​ តុលា​ ឆ្នាំ​២០១៩​នេះ​។

​តាមសេចក្តីរាយការណ៍បានបន្ត​ថា ក្នុងហេតុការណ៍​​​​​ខាងលើនេះ​ដែរ ​សមត្ថកិច្ច​បាន​បញ្ជូន​រថយន្ត​ពន្លត់​អគ្គិ​ភ័យ​ចុះទៅ​អន្តរាគមន៍​ពន្លត់​ ហើយ​ក្រុម​ជួយ​សង្គ្រោះ​ក៏​កំពុង​ធ្វើ​ប្រតិបត្តិការ​ជួយ​ពលរដ្ឋ​ និង​ដោះស្រាយ​បញ្ហា​ផ្សេង​ៗ​នៅ​កន្លែង​កើតហេតុផងដែរ

តាម​ប្រភពព័ត៌មានបឋមពី​នគរបាល​មូលដ្ឋាន​​បាន​ឱ្យ​ដឹង​ថា មាន​តូប​លក់ដូរជា​​ច្រើន​តូប​ត្រូវ​អគ្គិ​ភ​័យ​ឆាប​ឆេះ​​ ។ ភ្លាម​ៗនោះដែរ​​ គេ​នៅ​មិន​ទាន់​ដឹង​ពី​មូល​ហេតុ​ និងទំហំនៃការ​ខូចខាត​នៅឡើយ​ទេ ហើយ​ក៏មិនដឹ​ង​ថា​ មាន​មនុស្ស​រងគ្រោះថ្នាក់ ឬក៏​អត់​នៅឡើយដែរ ។ ព័ត៌មានលម្អិត​នឹងមានផ្សាយបន្តនៅពេលក្រោយ ៕ (កែសម្រួលដោយ ៖ ធីតា​)

ព្រឹត្តិការណ៍សង្គម

Sponsored News

ការស្ទង់មតិគេហទំព័រថ្មី




សូម​អរគុណ