Eden Hazard ប្រាប់អារម្មណ៍ពិតពេលពាក់អាវលេខ៧របស់ Ronaldo
តាមប្រភពព័ត៌មាន Soccer Laduma បានឱ្យដឹងថា នៅពេលដែល Eden Hazard បានធ្វើជាម្ចាស់អាវរបស់អតីតខ្សែប្រយុទ្ធ Cristiano Ronaldo…
តាមប្រភពព័ត៌មាន Soccer Laduma បានឱ្យដឹងថា នៅពេលដែល Eden Hazard បានធ្វើជាម្ចាស់អាវរបស់អតីតខ្សែប្រយុទ្ធ Cristiano Ronaldo…
តាមប្រភពព័ត៌មាន Soccer Laduma បានឱ្យដឹងថា នៅពេលដែល Eden Hazard បានធ្វើជាម្ចាស់អាវរបស់អតីតខ្សែប្រយុទ្ធ Cristiano Ronaldo នៅឯក្លិប Real Madrid កីឡាករមាន់ថ្មីតម្លៃ ១០០លានអឺរ៉ូរូបនេះ បានបង្ហើបប្រាប់ពីរឿងក្នុងចិត្ត ពេលដែលបានពាក់អាវនេះជាលើកដំបូង។
អ្នកគាំទ្រ Real ជាច្រើននាក់ សង្ឃឹមថា Hazard នឹងបំពេញចន្លោះប្រហោងដែលនៅសល់ក្រោយពី Ronaldo ចាកចេញទៅក្លិប Juventus ប៉ុន្តែកីឡាកររូបនេះមិនបានធ្វើឱ្យក្តីសង្ឃឹមនេះក្លាយជាការពិតនោះទេ ដោយសារតែលេងមិនបានល្អតាំងពីចូលមកពីក្លិប Chelsea កាលពីខែកក្កដា ។ រហូតមកដល់ពេលនេះ Hazard រកបានតែ ១គ្រាប់ និង Assist ២លើក ហើយខកខានការប្រកួត LaLiga ៥ដង ដោយសារបញ្ហាសុខភាព និងបញ្ហារបួស ។
កីឡាករវ័យ ២៨ ឆ្នាំដែលដំបូងឡើយពាក់អាវលេខ៥០ ក្នុងការប្រកួតមិត្តភាពមុនរដូវកាលមុន មិត្តរួមក្រុម Mariano Diaz ត្រូវបានគេបង្ខំឱ្យបោះបង់ចោលអាវលេខ ៧ ឥឡូវនេះបានបើកចំហអំពីសម្ពាធនៃការពាក់លេខ ។
Hazard បានប្រាប់ទូរទស្សន៍ Real Madrid ថា៖«ការយកអាវនេះបន្ទាប់ពី Cristiano ចាកចេញទៅ មិនមែនជារឿងងាយស្រួលនោះទេ»។
ក្លិប Real Madrid បានជួបប្រទះនូវការចាប់ផ្តើមមិនស៊ីចង្វាក់គ្នានៃយុទ្ធនាការឆ្នាំ ២០១៩/២០ ប៉ុន្តែកំពូលតារាឆ្នើមថ្មីរបស់ក្លិបជឿជាក់ថា ពួកគេនឹងនៅតែតស៊ូដើម្បីអ្វីៗទាំងអស់ ។
Hazard បានបន្ថែមទៀតថា៖«យើងនឹងបញ្ចេញឱ្យអស់ពីសមត្ថភាព ដើម្បីឈ្នះអ្វីៗទាំងអស់។ យើងត្រូវតែលើកពាននៅចុងរដូវកាល។ ខ្ញុំដឹងថាក្របខ័ណ្ឌ Champions League ពិតជាសំខាន់ណាស់។ ខ្ញុំនៅទីនេះដើម្បីឈ្នះវា។ វាសំខាន់ណាស់សម្រាប់អ្នករាល់គ្នានិងខ្លួនខ្ញុំផងដែរ។ ខ្ញុំនៅក្លិបល្អបំផុតនៅលើពិភពលោក ហើយខ្ញុំសង្ឃឹមថានឹងផ្តល់ឱ្យអស់ពីសមត្ថភាពរបស់ខ្ញុំ»៕
ប្រភព ៖ soccerladuma , កែសម្រួលដោយ ៖ សំណាង
ចែករំលែកព័តមាននេះ