រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា នារីស្រស់សោភាម្នាក់ទើបតែអាយុ១៩ឆ្នាំគ្រាន់តែមានរឿងនៅកន្លែងធ្វើការឈ្លោះគ្នាជាមួយមេការខារ៉ាអូខេ និងសង្សារសម្រេចចិត្តលោតទឹកសម្លាប់ខ្លួន នៅលើស្ពានជ្រោយចង្វារចាស់មិនបានសម្រេចនោះទេ ហេតុការណ៍នេះបានកើតឡើង កាលពីវេលាម៉ោង១រំលងអធ្រាត្រឈានចូលថ្ងៃទី៣០ខែតុលានេះ តាមបណ្តោយផ្លូវជាតិលេខ៦ នៅចំណុចស្ពានជ្រោយចង្វារចាស់ ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ ។
សេចក្តីរាយការណ៍បានបន្ត នារីប៉ុនប៉ងលោតទឹកមិនបានសម្រេចមានឈ្មោះ អៀង វត្តី អាយុ១៩ឆ្នាំ ស្នាក់នៅម្តុំគីឡូលេខ៦ សង្កាត់គីឡូលេខ៦ ខណ្ឌឬស្សីកែវ ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុខាងលើនេះគេបានឃើញនារីរូបស្រស់ម្នាក់ជិះម៉ូតូកង់បីឥណ្ឌាមួយគ្រឿងចេញមកពីខារ៉ាអូខេស្ពានមាសឆ្ពោះឡើងលើស្ពានជ្រោយចង្វារចាស់ ក្នុងទិសដៅពីលិចទៅកើតបានពាក់កណ្តាលស្ពានក៏ស្រាប់តែឲ្យម៉ូតូកង់បីឥណ្ឌានោះឈប់ រួចហើយក៏ឈរយំបានមួយសន្ទុះក្រោយមកបំរុងធ្វើសកម្មភាពលោតទឹកសម្លាប់ខ្លួន ត្រូវបានកម្លាំងអន្តរាគមន៍នៃអធិការដ្ឋាននគរបាលខណ្ឌដូនពេញធ្វើការឃាត់ទាន់ពេលវេលាយកមកដល់គោលដៅរង្វង់មូលព្រហ្មមុខបួន ដើម្បីសួរនាំ ប៉ុន្តែពេលភ្លាមៗនោះដែរ ជនរងគ្រោះខឹងខ្លាំងពេកក៏មិនបាននិយាយស្តីទេបានសន្លប់អស់មួយភាំង ត្រូវបានសមត្ថកិច្ចអន្តរាគមន៍ដឹកតាមម៉ូតូកង់បីយកទៅមន្ទីរពេទ្យដែលនៅក្បែរនឹងកន្លែងកើតហេ តុដើម្បីធ្វើការព្យាបាល ។
លុះពេលបានរៀងស្រួលខ្លួនវិញ នារីរូបស្អាតបានរៀបរាប់ឲ្យដឹងថា ខ្លួនធ្លាប់មានគូដណ្តឹងចំនួន២នាក់ហើយ ម្នាក់មុន គឺបែកគ្នារយៈពេល៣ឆ្នាំហើយ លើកក្រោយនេះនៅមិនទាន់បែកគ្នានោះទេ មូលហេតុដែលចង់លោតទឹកសម្លាប់ខ្លួន គឺមកពីឈ្លោះគ្នាជាមួយមេការដែលធ្វើការខារ៉ាអូខេស្ពានមាសផង គួបផ្សំជាមួយសង្សារផងនោះក៏ជិះម៉ូតូកង់បីទៅដល់លើស្ពានជ្រោយចង្វារនេះ គោលបំណងទូរស័ព្ទហៅឲ្យគេមកជួបតែប៉ុណ្ណោះពេលដែលសមត្ថកិច្ចចាប់ឃាត់នោះធ្វើឲ្យធ្លាក់ទូរស័ព្ទដៃមួយគ្រឿងម៉ាកiPhone 6ភ្លើសមួយគ្រឿងចូលទៅក្នុងទន្លេបាត់ហើយ ។
ក្រោយពេលកើតហេតុខាងលើនេះសមត្ថកិច្ចប៉ុស្តិ៍ជ្រោយចង្វារក៏បានធ្វើការទំនាក់ទំនងហៅម្តាយឲ្យមកយកត្រឡប់ទៅផ្ទះវិញផងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ