ខេត្តកំពង់ឆ្នាំង ៖ នេះជារឿងដែលកម្រកើតឡើងដែលបុរសម្នាក់បានស្លាប់ ក្រោយត្រូវសត្វគោញី១ក្បាលធាក់មួយជើងចំពងស្វាស់បណ្តាលឱ្យប្រកាច់ស្លាប់ភ្លាមៗនៅក្បែរគុម្ពប្ញស្សីពីងពុង បង្កការភ្ញាក់ផ្អើលនៅវេលាម៉ោង០២ និង៣០នាទីរំលងអធ្រាត្រចូលថ្ងៃទី២២ តុលា នេះ ស្ថិតនៅក្នុងភូមិទំនប់ ឃុំត្រងិលស្រុកកំពង់លែង ខេត្តកំពង់ឆ្នាំង។

សមត្ថកិច្ចនឱ្យដឹងថា ជនរងគ្រោះខាងលើ ឈ្មោះឃុត សុធា អាយុ៥៥ឆ្នាំ ទីលំនៅកើតហេតុ ។ ប្រភពដដែលឱ្យដឹងទៀតថា នៅមុនពេលកើតហេតុ សត្វគោរបស់ជនរងគ្រោះ បានរួចទៅស៊ីដំណាំរបស់អ្នកជិតខាង ។ តាមគ្រួសារថា ពេលនោះគាត់ (ជនរងគ្រោះ) បានទៅចាប់យកមកចងនៅកន្លែងក្រោលគោ ក្បែរគុម្ពប្ញស្សីហើយបានវ៉ៃ តែមិនដឹងចៃដន្យអ្វី ត្រូវសត្វគោធាក់ចំពងស្វាស បណ្តាលអោយគាត់ស្លាប់តែម្តង ។

ក្រោយពិនិត្យសាកសពរួច សមត្ថកិច្ចជំនាញបានសន្និដ្ឋានថា ជនរងគ្រោះពិតជាត្រូវស្លាប់ដោយសារគោធាក់ពិតមែន រួចបានប្រគល់សពអោយក្រុមគ្រួសាររៀបចំធ្វើបុណ្យតាមប្រពៃណី ។


ចែករំលែកព័តមាននេះ