ខេត្តបន្ទាយមានជ័យ ៖ សាលារៀនរដ្ឋ និងឯកជនជាង៣០០កន្លែងត្រូវបានបិទទ្វារ ក្រោយទាហានថៃបើកការបាញ់ប្រហារមកលើកម្ពុជា រហូតដល់ថ្ងៃទី១១ ធ្នូ ឆ្នាំ២០២៥ នៅខេត្តបន្ទាយមានជ័យ ។…
ខេត្តបន្ទាយមានជ័យ ៖ សាលារៀនរដ្ឋ និងឯកជនជាង៣០០កន្លែងត្រូវបានបិទទ្វារ ក្រោយទាហានថៃបើកការបាញ់ប្រហារមកលើកម្ពុជា រហូតដល់ថ្ងៃទី១១ ធ្នូ ឆ្នាំ២០២៥ នៅខេត្តបន្ទាយមានជ័យ ។
លោក ឈូ ប៊ុនរឿង ប្រធានមន្ទីអប់រំយុវជន និងកីឡាខេត្តបន្ទាយមានជ័យបានប្រាប់ថា រហូតដល់ពេលនេះ សាលារៀនរដ្ឋនិងឯកជនចំនួន៣១៩កន្លែង ត្រូវបានបិទទ្វារ ក្រោយទាហានថៃបើកការបាញ់ប្រហារមកលើកម្ពុជា និងជនស៊ីវិលក្នុងភូមិសាស្ត្រខេត្តបន្ទាយមានជ័យ លើតំបន់សមរភូមិក្តៅមានភូមិព្រៃចាន់ ភូមិជោគជ័យ ភូមិទំនប់ដាច់ និងភូមិអាងសីលាខ្មែ ឃុំអូរបីជាន់ ស្រុកជ្រៅ និងច្រកតំបន់បឹងត្រកួន ឃុំគោករមៀត ស្រុកថ្មពួក។
លោកបានបញ្ជាក់ថា សាលារៀនបិទទ្វារទាំងសាលារៀនរដ្ឋ និងឯកជនចំនួន៣១៩កន្លែងមានសិស្សសរុបចំនួន៩៦.៣៨៨នាក់ និងសិស្សស្រី៨៤.២៥៦នាក់ ក្នុងនោះ សាលារដ្ឋ២៣៥កន្លែង មានសិស្សចំនួន៩៦.៣៨៨នាក់ និងសិស្សស្រី៤៨.២៩០នាក់ និងសាលាឯកជន៨៤កន្លែង ស្មើសិស្សចំនួន២៤.៣៨៥នាក់ សិស្សស្រី១២.៣២៤នាក់ ។
លោក ឈូ ប៊ុនរឿង បានបញ្ជាក់ថា សាលារៀនត្រូវបានបិទទ្វារនៅតាមបណ្តាស្រុក ក្រុងមួយចំនួនតាមបន្ទាត់ព្រំដែនជាតំបន់ប្រឈមមានស្រុកអូរជ្រៅ ស្រុកស្វាយចេក ស្រុកថ្មពួក ស្រុកម៉ាឡៃ និងក្រុងប៉ោយប៉ែត ក្រោយទាហានថៃបានបើកការបាញ់ប្រហាមកលើកម្ពុជាចាប់តាំងពីថ្ងៃទី០៨ ខែធ្នូ ឆ្នាំ២០២៥ មក ៕
ចែករំលែកព័តមាននេះ