រាជធានីភ្នំពេញ ៖ អ្នកនាំពាក្រសួងការពារជាតិបានអះអាងថា គោលដៅដែលកងកម្លាំងកម្ពុជាបាញ់ការពារពីសំណាក់យោធាថៃនោះ គឺផ្តោតតែលើគោលដៅតែយោធាថៃតែប៉ុណ្ណោះ ។ ថ្លែងក្នុងសន្និសីទសារព័ត៌មាន ព្រឹកថ្ងៃទី១៣ ខែធ្នូ ឆ្នាំ២០២៥ថា…
រាជធានីភ្នំពេញ ៖ អ្នកនាំពាក្រសួងការពារជាតិបានអះអាងថា គោលដៅដែលកងកម្លាំងកម្ពុជាបាញ់ការពារពីសំណាក់យោធាថៃនោះ គឺផ្តោតតែលើគោលដៅតែយោធាថៃតែប៉ុណ្ណោះ ។
ថ្លែងក្នុងសន្និសីទសារព័ត៌មាន ព្រឹកថ្ងៃទី១៣ ខែធ្នូ ឆ្នាំ២០២៥ថា ក្រសួងការពារជាតិ និងកងយោធពលខេមរភូមិន្ទសូមគូសបញ្ជាក់ផងដែរថា «គោលដៅនៃការវាយការពារខ្លួនរបស់កម្ពុជា គឺផ្តោតលើតែគោលដៅរបស់យោធាថៃតែប៉ុណ្ណោះ មិនមែនសំដៅលើគោលដៅជនស៊ីវិល និងទីកន្លែងស៊ីវិលនោះទេ» ។
លើសពីនេះ កម្ពុជាតែងតែប្រកាន់ខ្ជាប់នូវការគោរព និងអនុវត្តនូវរាល់កាតព្វកិច្ចទាំងឡាយ នៅក្រោមច្បាប់អន្តរជាតិ ជាពិសេស ច្បាប់មនុស្សធម៌អន្តរជាតិយ៉ាងម៉ឺងម៉ាត់ និងច្បាស់លាស់បំផុត។លោកជំទាវក៏សូមគូសបញ្ជាក់ផងដែរថា វីរកងទ័ពកម្ពុជាបាននឹងកំពុងបន្តឈរជើងយ៉ាងរឹងមាំ
ស្វាហាប់ មោះមុត និងនៅតែតស៊ូប្រ យុទ្ធយ៉ាងស្វិតស្វាញតតាំងជាមួយសត្រូវឈ្លានពាន និងប្រុងប្រយ័ត្នខ្ពស់ជានិច្ចក្នុងការ បំពេញតួនាទីរបស់ខ្លួន ដើម្បីការពារបូរណភាពទឹកដីរបស់កម្ពុជា ។
លោកជំទាវអ្នកនាំពាក្យបានគូសបញ្ជាក់ថា «យើងក៏បញ្ជាក់ឡើងវិញនូវសិទ្ធិស្វ័យ ការពារដែនអធិបតេយ្យរបស់យើង ដូចដែលមានចែ ងនៅក្នុងច្បាប់អន្តរជាតិ ដើម្បីការពារបូរណភាពទឹក ដី និងប្រជាជនរបស់យើងទោះក្នុងតម្លៃណាក៏ដោយ» ។
អ្នកនាំពាក្យបានគូសបញ្ជាក់ថា៖ «កម្ពុជានឹងមិនចុះចាញ់នឹងការបង្ខិតបង្ខំ ឬការបំភិតបំភ័យទោះក្នុងទម្រង់ណាមួយឡើយ ។ សូមប្រជាពលរដ្ឋទាំងអស់បន្តជឿជាក់ និងលើកទឹកចិត្តដល់វីរកងទ័ពដ៏អង់អាចក្លាហានរបស់យើងដែល កំពុងប្រយុទ្ធតស៊ូ យ៉ាងខ្លាំងក្លានៅគ្រប់សមរភូមិទាំងអស់។
រាជរដ្ឋាភិបាលកងទ័ព និងប្រជាជនកម្ពុជារួបរួមគ្នាជាធ្លុងមួយក្នុងការការពារទឹកដី សេចក្តីថ្លៃថ្នូរ និងអធិបតេយ្យភាពរបស់យើងដោយអង់អាចក្លាហាន និងដោយមិនងាករេជាដាច់ខាតទោះក្នុងតម្លៃណាក៏ដោយ ៕
ចែករំលែកព័តមាននេះ