ខេត្តប៉ៃលិន ៖ យ៉ាងហោចណាស់មានក្មេងស្រីពីរនាក់រងរបួសធ្ងន់និងមនុស្សប្រុសស្រី ព្រមទាំងក្មេងៗចំនួន៦នាក់ទៀតរង របួសស្រាលដោយសារបើកបរម៉ូតូរ៉ឺម៉កកង់បីច្នៃបែកកង់មុខបណ្តាលឱ្យរេចង្កូតទៅខាងស្តាំដៃ បោកពេញទំហឹងក្រឡាប់នៅលើចិញ្ចើមផ្លូវរងរបួសតែម្តង ។ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៣ និង៤០នាទីរសៀល
ខេត្តប៉ៃលិន ៖ យ៉ាងហោចណាស់មានក្មេងស្រីពីរនាក់រងរបួសធ្ងន់និងមនុស្សប្រុសស្រី ព្រមទាំងក្មេងៗចំនួន៦នាក់ទៀតរង របួសស្រាលដោយសារបើកបរម៉ូតូរ៉ឺម៉កកង់បីច្នៃបែកកង់មុខបណ្តាលឱ្យរេចង្កូតទៅខាងស្តាំដៃ បោកពេញទំហឹងក្រឡាប់នៅលើចិញ្ចើមផ្លូវរងរបួសតែម្តង ។ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៣ និង៤០នាទីរសៀលថ្ងៃទី៣០ ខែមេសា ២០១៤ស្ថិតនៅតាមបណ្តោយផ្លូវជាតិលេខ៥៩ទល់មុខសាលាស្រុកសាលាក្រៅក្នុងភូមិភ្នំស្ពង់ ឃុំសាលាក្រៅ ស្រុកសាលាក្រៅ ខេត្តប៉ៃលិន ។
ជនរងគ្រោះទី១. ឈ្មោះ ម៉ាត់ សុកូត ភេទប្រុស អាយុ២៤ឆ្នាំ ជាខ្មែរអ៊ីស្លាមនិងជាអ្នកបើកបរម៉ូតូរ៉ឺម៉កកង់បីច្នៃរងរបួសស្រាល ទី២.ឈ្មោះ ធី ថេន ភេទស្រី អាយុ២៣ឆ្នាំ ត្រូវជាប្រពន្ធរងរបួសស្រាលក្រេចជើងស្តាំ,ទី៣.ឈ្មោះធី ចាន់ថនភេទស្រី អាយុ១០ឆ្នាំ រងរបួសធ្ងន់បែកក្បាលផ្នែកចំហៀងខាងឆ្វេងនិងរបួសចង្កេះសន្លប់នៅនឹងកន្លែង,ទី៤.ឈ្មោះ ថេន ចាន់ថា ភេទស្រី អាយុ៤ឆ្នាំរងរបួសជាំក្បាលផ្នែកខាងក្រោយធ្ងន់ធ្ងរសន្លប់នៅនឹងកន្លែង, ទី៥ ឈ្មោះ ធី ធឿប ភេទប្រុស អាយុ៨ឆ្នាំ របួសបែកក្បាលផ្នែកខាងឆ្វេងនិងជាំភ្នែកឆ្វេងស្រាល,ទី៦.ឈ្មោះ សល់ វីសាល ភេទប្រុស អាយុ៩ឆ្នាំរងរបួសដៃ និងជើងឆ្វេងស្រាល,ទី៧ ឈ្មោះ យឹម សុភី ភេទស្រី អាយុ១១ឆ្នាំរងរបួសបែកក្បាលឆ្វេងជាំភ្នែកចំហៀងខាងឆ្វេងស្រាលនិងទី៨ឈ្មោះម៉ៅ មឿង ភេទប្រុស អាយុ១២ឆ្នាំរងរបួសស្រាល។
គួរបញ្ជាក់ថារឺុម៉កម៉ូតូច្នៃនេះគឺបានក្រឡាប់នៅទល់មុខនឹងអធិការស្រុកសាលាក្រៅនិងមុខស្រុកសាលាក្រៅប៉ុន្តែគេមិនមាន ឃើញមន្រ្តីសមត្ថកិច្ចណាម្នាក់ចេញមកអន្តរាគម៍នោះទេ ។
ព័ត៌មានលម្អិតនិងមានផ្សាយជូននៅលើកាសែតកោះសន្តិភាព
ចែករំលែកព័តមាននេះ