លោក ឈាង វុន ថា លោក សម រង្ស៊ី រងការអាម៉ាស់យ៉ាងខ្លាំង …
- ភ្នំពេញ
រាជធានីភ្នំពេញ ៖ សមាជិកសភា និងជាអ្នកនាំពាក្យលោក ឈាង វុន បានអះអាងថា លោកសម រង្ស៊ី បានរងការអាម៉ាស់យ៉ាងខ្លាំង…
រាជធានីភ្នំពេញ ៖ សមាជិកសភា និងជាអ្នកនាំពាក្យលោក ឈាង វុន បានអះអាងថា លោកសម រង្ស៊ី បានរងការអាម៉ាស់យ៉ាងខ្លាំង…
រាជធានីភ្នំពេញ ៖ សមាជិកសភា និងជាអ្នកនាំពាក្យលោក ឈាង វុន បានអះអាងថា លោកសម រង្ស៊ី បានរងការអាម៉ាស់យ៉ាងខ្លាំង ដោយសារសហភាពអន្តរសភា(IPU) បានលុបឈ្មោះមិនឲ្យឡើងថ្លែងសុន្ទរកថានៅក្នុងកិច្ចប្រជុំ ។
លោក ឈាង វុន បានអះអាងបែបនេះកាលពីថ្ងៃទី១៩ ខែតុលា ឆ្នាំ២០១៩ ក្នុងសន្និសីទសារព័ត៌មានមួយ បន្ទាប់ពីគណៈប្រតិភូរដ្ឋសភា កម្ពុជា ត្រឡប់មកពីចូលរួមមហាសន្និបាតសហភាពអន្តរសភាវិញ ដែលបានប្រព្រឹត្តទៅចាប់ពីថ្ងៃទី១៣ ដល់ថ្ងៃទី១៧ ខែតុលា ឆ្នាំ២០១៩ ។លោក ឈាង វុន បានឲ្យដឹងថា ក្រុមឧទ្ទាមក្រៅច្បាប់ សម រង្ស៊ី បានបន្លំយកអង្គការ មួយទៅចុះឈ្មោះដែលយើងមិនដឹង ក៏ប៉ុន្តែត្រូវបកអាក្រាត ហើយត្រូវយើងដឹងក៏ប្តឹងIPU ឲ្យដកឈ្មោះគេចេញកុំឲ្យធ្វើសុន្ទរកថា ឬនិយាយក្នុងកិច្ចប្រជុំ ។ អុីចឹងទេ IPU បានយល់និងស្តាប់សំឡេងរបស់យើងដោយទទួលយក ។
លោក ឈាង វុន បានបញ្ជាក់ថា ៖ «គាត់នៅផ្តេសផ្តាស នៅតែចង់បោកប្រាស់ ដោយទៅយករូបវីដេអូឃ្លីបតួចមួយនៅខាងក្រៅសន្និបាតឬនៅបន្ទប់គេជជែកគ្នាផឹកកាហ្វេ ដោយហៅពួកគ្នាគាត់ តែគ្នាគាត់ក៏បោះបង់គាត់(សម រង្ស៊ី)ចោលដែរ មានតែគ្នា៤នាក់ដែលជាអ្នកស្តាប់គាត់» ។ លោក ឈាង វុន បានអះអាងថា នៅកិច្ចប្រជុំ IPUនេះ សម រង្ស៊ី បានទទួលភាពអាម៉ាស់យ៉ាងធំមួយ ហើយជាជោគជ័យរបស់យើង ព្រោះថាតាមការវាយតម្លៃរបស់យើងគឺគាត់ចង់យកវេទិកា IPU នេះបង្ហាញថា គេទទួលស្គាល់ខ្លួនដើម្បីឲ្យគាំទ្រខ្លួនក្នុងការវិលចូលស្រុក ដោយឃោសនាឲ្យអ្នកគាំទ្រខ្លួន ។
លោក ឈាង វុន បញ្ជាក់ថា ៖ «នេះជាភាពអាម៉ាស់របស់គាត់(សម រង្ស៊ី)ធំធេងណាស់យើងគិតថាជាភាសាដែលស្នើទៅប្រជាពលរដ្ឋមើលឲ្យច្បាស់ រាជរដ្ឋាភិបាលស្របច្បាប់ សភាយើងស្របច្បាប់ នៅខាងក្រៅគេទទួលយើងស្របច្បាប់យ៉ាងម៉េច ហើយអ្នកក្រៅច្បាប់ឬឧទ្ទាមយ៉ាងម៉េច» ។លោក ឈាង វុន បង្ហាញថា មូលហេតុដែលធ្វើឲ្យលោក សម រង្ស៊ី រងភាពអាម៉ាស់នៅ IPU ដោយសារតែគាត់បានបន្លំខ្លួនចុះឈ្មោះ ធ្វើជាសមាជិក IPU ដើម្បីឡើងថ្លែងសុន្ទរកថា។
ទោះបីជាយ៉ាងណា សភាស្របច្បាប់របស់កម្ពុជាបានតវ៉ាទៅ IPU បន្ទាប់មកខាង IPU បានទទួលយកសំណើរបស់សភាកម្ពុជា និងបានលុបឈ្មោះលោក សម រង្ស៊ី ដោយមិនអនុញ្ញាតឲ្យឡើងថ្លែងសុន្ទរកថាឡើយ ។លោក ឈាង វុន បានបញ្ជាក់យ៉ាងដូច្នេះថាយើងមានបញ្ហាមួយដែលពួកឧទ្ទាមក្រៅច្បាប់ គាត់ទៅបន្លំយកឈ្មោះអង្គការមួយ គាត់ចង់ទៅចុះឈ្មោះនិយាយ ក៏ប៉ុន្តែបានគ្នាយើងបកអាក្រាត ហើយយើងបានស្នើទៅ IPU ដកឈ្មោះគាត់ចេញកុំឲ្យនិយាយ ។ អុីចឹងហើយ ខាង IPUគេយល់ គេស្តាប់សំឡេងរបស់យើង គេទទួលយកសំណូមពររបស់យើង» ។
ជាមួយគ្នានេះ លោក ឈាង វុន ក៏បានបង្ហាញមោទនភាព ដែលកម្ពុជាទទួលបានជោគ ជ័យក្នុងការចូលរួមមហាសន្និបាតសហភាពអន្តរសភាលើកទី១៤១នេះ ដោយថ្លែងថា រាជរដ្ឋា ភិបាលកម្ពុជាគឺស្របច្បាប់ ហើយសភារបស់កម្ពុជាគឺស្របច្បាប់ ។ លោកប្រៀបធៀបថា ពេលអ្នកស្របច្បាប់ ចេញទៅខាងក្រៅគេទទួលផ្សេង ហើយអ្នកដែលមិនស្របច្បាប់ អ្នកដែល ជាជនឧទ្ទាមគេទទួលបែបផ្សេង ៕
ចែករំលែកព័តមាននេះ