ប្រទេសកូរ៉េខាងជើង កាលពីថ្ងៃទី២៩ មេសា បានគំរាមធ្វើការសាកល្បងនុយក្លេអ៊ែរថ្មីមួយទៀតជាការឆ្លើយតបចំពោះដំណើរទស្សនកិច្ចនៅអាស៊ីរបស់ប្រធានាធិបតីអាមេរិកលោកបារ៉ាក់ អូបាម៉ា ។ក្នុងសេចក្តីប្រកាសមួយដកស្រង់ផ្សាយដោយទីភ្នាក់ងារព័ត៌មានកូរ៉េខាងជើង KCNA អ្នកនាំពាក្យម្នាក់របស់ក្រសួងការបរទេសកូរ៉េខាងជើងថ្លែងថា ក្រុងព្យុងយ៉ាងនឹងជំរុញការពង្រឹងកម្លាំងនុយក្លេ
ប្រទេសកូរ៉េខាងជើង កាលពីថ្ងៃទី២៩ មេសា បានគំរាមធ្វើការសាកល្បងនុយក្លេអ៊ែរថ្មីមួយទៀតជាការឆ្លើយតបចំពោះដំណើរទស្សនកិច្ចនៅអាស៊ីរបស់ប្រធានាធិបតីអាមេរិកលោកបារ៉ាក់ អូបាម៉ា ។ក្នុងសេចក្តីប្រកាសមួយដកស្រង់ផ្សាយដោយទីភ្នាក់ងារព័ត៌មានកូរ៉េខាងជើង KCNA អ្នកនាំពាក្យម្នាក់របស់ក្រសួងការបរទេសកូរ៉េខាងជើងថ្លែងថា ក្រុងព្យុងយ៉ាងនឹងជំរុញការពង្រឹងកម្លាំងនុយក្លេអ៊ែរ ខណៈពេលដែលសហរដ្ឋអាមេរិកមានផែនការបង្កើតពពកខ្មៅនៃសង្គ្រាមនុយក្លេអ៊ែរនៅលើកូរ៉េខាងជើង ។
សេចក្តីប្រកាសនោះគូសបញ្ជាក់ថា ពុំមានការបង្គាប់បញ្ជាណាមួយចំពោះសេចក្តីថ្លែងការណ៍របស់កូរ៉េខាងជើងដែលនិយាយថា ខ្លួនមិនបដិសេធការសាកល្បងនុយក្លេអ៊ែរថ្មីដូចដែលធ្លាប់បានបំភ្លឺក្នុងសេចក្តីប្រកាសមួយកាលពីថ្ងៃទី៣០ មីនាកន្លងទៅនេះឡើយ ។ នោះជាការអនុវត្តសិទ្ធិសមស្របរបស់ខ្លួនសម្រាប់ស្វ័យការពារ ។ សេចក្តីប្រកាសបានបរិហារចំពោះដំណើរទស្សនកិច្ចរបស់លោកអូបាម៉ា ក្នុងប្រទេស៤នៅអាស៊ី ដោយវាយតម្លៃថា ដំណើរទស្សនកិច្ចនេះគឺគ្រោះថ្នាក់ដែលសំដៅធ្វើឱ្យមានពពកខ្មៅនៃការប្រឈមមុខដាក់គ្នាកាន់តែខ្លាំងមួយ ហើយជំរុញការប្រណាំងប្រជែងខាងសព្វាវុធនុយក្លេអ៊ែរនៅអាស៊ី ។ ច្បាស់ណាស់ដំណើរទស្សនកិច្ចធ្វើឡើងដើម្បីបង្កើតការប្រឈមមុខដាក់គ្នាជាក់ស្តែង ដោយជំរុញបណ្តាសម្ព័ន្ធមិត្តអាមេរិកឱ្យចូលរួមដៃយ៉ាងសកម្ម រួចហើយហ៊ុមព័ទ្ធ និងគាបសង្កត់លើបណ្តាគូប្រជែងនៅអឺរ៉ាស៊ី EURASIE ។ ទាំងនេះគឺស្ថិតក្នុងយុទ្ធសាស្ត្រអាមេរិករក្សាការគ្របដណ្តប់របស់ខ្លួនលើតំបន់អាស៊ី-ប៉ាស៊ីហ្វិក រួចវាស្ថិតក្នុងសេណារីយ៉ូនៃការឈ្លានពានចាប់ពី A ទៅ Z ។
សេចក្តីប្រកាសនោះក៏ពន្យល់ដែរពីការបដិសេធរបស់លោកអូបាម៉ា បើកការចរចាជាមួយក្រុងព្យុងយ៉ាង ដែលបង្ហាញប្រាប់ពិភពលោកថា នយោបាយប្រទូស្តរ៉ាយរបស់សហរដ្ឋអាមេរិកចំពោះកូរ៉េខាងជើងនៅតែពុំមានការផ្លាស់ប្តូរ ដោយអាមេរិកសាកល្បងផ្តួលរំលំកូរ៉េខាងជើងដោយប្រើកម្លាំង ហើយអាមេរិកកំពុងតែអនុវត្តសេណារីយូ៉បែបនោះ ។សេចក្តីប្រកាសបន្តថា លោកអូបាម៉ា នឹងត្រូវបង់តម្លៃចំពោះអំពើគ្មានការទទួលខុសត្រូវទាំងឡាយរបស់លោក ។
កាលពីថ្ងៃទី៣០ មីនា កន្លងមកនេះកូរ៉េខាងជើងប្រកាសថា ខ្លួនពុំបដិសេធឡើយចំពោះលទ្ធភាពនៃការសាកល្បងនុយក្លេអ៊ែរថ្មី ប្រសិនបើសហរដ្ឋអាមេរិកបន្តនយោបាយប្រទូស្តរ៉ាយចំពោះក្រុងព្យុងយ៉ាង ។កូរ៉េខាងជើងធ្លាប់បានសាកល្បងនុយក្លេអ៊ែរកាលពីខែតុលា ឆ្នាំ២០០៦ ខែឧសភា ឆ្នាំ២០០៩ និងខែកុម្ភៈ ឆ្នាំ២០១៣ ៕
ចែករំលែកព័តមាននេះ