ទូរទស្សន៍អាមេរិក CNN រាយការណ៍កាលពីថ្ងៃទី២៩ មេសាថា ក្រុមហ៊ុនឯកជនអូស្ត្រាលីមួយអះអាងថា បានរកឃើញក្នុងដែនទឹកនៃឈូងសមុទ្របឹងហ្គាល់នូវបំណែកនានា ដែលអាចជាបំណែកនៃយន្តហោះប៊ូអុីងម៉ាឡេស៊ីបាត់ដានចាប់តាំងពីថ្ងៃទី៨ មីនា មកពេលហោះហើរចេញពីទីក្រុងគូឡាឡាំពួរទៅកាន់ក្រុងប៉េកាំង ។
ទូរទស្សន៍អាមេរិក CNN រាយការណ៍កាលពីថ្ងៃទី២៩ មេសាថា ក្រុមហ៊ុនឯកជនអូស្ត្រាលីមួយអះអាងថា បានរកឃើញក្នុងដែនទឹកនៃឈូងសមុទ្របឹងហ្គាល់នូវបំណែកនានា ដែលអាចជាបំណែកនៃយន្តហោះប៊ូអុីងម៉ាឡេស៊ីបាត់ដានចាប់តាំងពីថ្ងៃទី៨ មីនា មកពេលហោះហើរចេញពីទីក្រុងគូឡាឡាំពួរទៅកាន់ក្រុងប៉េកាំង ។
ឈូងសមុទ្របឹងហ្គាល់ចន្លោះប្រទេសឥណ្ឌា និងភូមា ស្ថិតនៅចម្ងាយជាច្រើនពាន់គីឡូម៉ែត្រពីតំបន់ដែលគេកំពុងប្រមូលផ្តុំការតាមរុករកយន្តហោះជើងហោះហើរ MH 370 នោះនៅភាគខាងត្បូងនៃមហាសមុទ្រឥណ្ឌា ។ការប្រកាសពីការរកឃើញនេះធ្វើឡើងដោយក្រុមហ៊ុន GEORESONANCE ជាក្រុមហ៊ុនអូស្ត្រាលីសិក្សាពីភូមិសាស្ត្រ ។ CNN បញ្ជាក់ថា ក្រុមហ៊ុននេះពុំបានអះអាងថា បំណែកទាំងនោះពិតជាបំណែកយន្តហោះប៊ូអុីង៧៧៧ នោះនៅឡើយ ដែលគេត្រូវធ្វើការត្រួតពិនិត្យសិន ។
មជ្ឈមណ្ឌលសម្របសម្រួលកិច្ចការសង្គ្រោះរបស់អូស្ត្រាលីគូសបញ្ជាក់ថា ខ្លួនបន្តការរុករកនៅក្នុងតំបន់រុករកបច្ចុប្បន្ននៅភាគខាងត្បូងមហាសមុទ្រឥណ្ឌាចម្ងាយប្រមាណជា២.០០០គីឡូម៉ែត្រខាងលិចទីក្រុង PERTH ។ការតាមរុករកបំណែកយន្តហោះនោះឈានចូលក្នុងដំណាក់កាលថ្មីមួយ ។ នាយករដ្ឋមន្ត្រីអូស្ត្រាលីលោក TONY ABBOTT ក្នុងឱកាសនៃសន្និសីទសារព័ត៌មានមួយនៅទីក្រុងស៊ីដនីថ្លែងថា មកដល់ដំណាក់កាលនេះយើងមានសង្ឃឹមតិចបំផុតដែលយើងអាចរកឃើញបំណែកមួយចំនួនរបស់យន្តហោះ ទោះជានៅលើផ្ទៃទឹកសមុទ្រ ។
ជាង៥០ថ្ងៃក្រោយការបាត់ដានយន្តហោះនេះ សមាសភាពភាគច្រើនរបស់យន្តហោះ បើវាអណ្តែតអាចលិចទៅវិញ ។លោក ANGUS HOUSTON អ្នកទទួលខុសត្រូវខាងការរុករកជនជាតិអូស្ត្រាលី ទទួលស្គាល់ថា យើងនៅពុំទាន់រកឃើញអ្វីសោះដែលទាក់ទិននឹងយន្តហោះជើងហោះហើរ MH 370៕
ចែករំលែកព័តមាននេះ