យោងតាមគេហទំព័របរទេសចេញផ្សាយកាលពីពេល ថ្មីៗនេះ ឱ្យដឹងថា ក្រុមហ៊ុន Google បានបង្កើតបច្ចេកវិទ្យាថ្មី ដែលឱ្យឈ្មោះថា Google Driverless Car ឬកម្មវិធីរថយន្តបើកបរដោយគ្មានមនុស្សបើក ។ កម្មវិធីនេះ ភ្ជាប់ដោយប្រព័ន្ធទាក់ទងដ៏ឈ្លាសវៃ ដែលគេដាក់បញ្ចូលក្នុងវីដេអូកាមេរ៉ា ដែលបំពាក់ក្នុងរថយន្ត ។ បន្ទះអេទ្បិចត្រូនិក Sensor ត្រូវភ្ជាប់លើដំបូលរថយន្ត ប្រព័ន្ធតាមដាន Rader ព្រមទាំងបន្ទះ Sensor ផ្សេងទៀត ត្រូវភ្ជាប់នៅកន្លែង ផ្សេងៗទៀតនៃតួរថយន្ត ។ វាហាក់បីដូចជាមានមនុស្សកំពុងតែបើកបរក្នុងរថយន្ត តែផ្ទុយទៅវិញប្រព័ន្ធអេទ្បិចត្រូនិកជាអ្នកដំណើរការជំនួសទៅវិញពិតជាអស្ចារ្យមែន។
លោក Sergey Brin ស្ថាបនិកប្រចាំក្រុមហ៊ុន Google និយាយថា បច្ចេកវិទ្យាថ្មីនេះនឹងធ្វើឱ្យពិភពលោកមើលឃើញពីដំណើរវិវឌ្ឍដ៏លឿននៃសម័យបច្ចេកវិទ្យាទំនើប ។ ម៉្យាងវិញទៀតក្រុមហ៊ុន Google ព្យាយាមស្រាវជ្រាវ អ្វីៗដែលថ្មី ដើម្បីផ្គត់ផ្គង់រាល់សេចក្តីត្រូវការរបស់អតិថិជនរបស់ខ្លួន ។ បច្ចេកវិទ្យាមួយនេះ គេសាកល្បងបញ្ជាក្នុងរយៈចម្ងាយ១៦០៩គីទ្បូម៉ែត្រ ដោយគ្មានមនុស្សបើកបរក្នុងរថយន្តនោះទេ ៕
ចែករំលែកព័តមាននេះ