អាជ្ញាធរបានប្រទះឃើញខ្មោចឆ្មាប្រមាណ២៥ក្បាល ច្រកក្នុងថង់ប្លាសិ្ទកព្យួរលើដើមឈើ ក្នុងខណ្ឌយ៉ុងកឺស ជាយក្រុងញូវយ៉ក សហរដ្ឋអាមេរិក ។ គេសន្និដ្ឋានថា វាអាចជាស្នាដៃរបស់ក្រុមអ្នកមានជំនឿលើវេទមន្ត ។ តាមរបាយការណ៍ពីសារព័ត៌មានបរទេស ដែលយោងតាមសម្តីរបស់មន្ត្រីសុខភាពសាធារណៈ នៅក្នុងខណ្ឌយ៉ុងកឺស ក្រុងញូវយ៉ក បញ្ជាក់ថា បានប្រទះឃើញខ្មោចឆ្មាត្រូវសម្លា.ប់
អាជ្ញាធរបានប្រទះឃើញខ្មោចឆ្មាប្រមាណ២៥ក្បាល ច្រកក្នុងថង់ប្លាសិ្ទកព្យួរលើដើមឈើ ក្នុងខណ្ឌយ៉ុងកឺស ជាយក្រុងញូវយ៉ក សហរដ្ឋអាមេរិក ។ គេសន្និដ្ឋានថា វាអាចជាស្នាដៃរបស់ក្រុមអ្នកមានជំនឿលើវេទមន្ត ។ តាមរបាយការណ៍ពីសារព័ត៌មានបរទេស ដែលយោងតាមសម្តីរបស់មន្ត្រីសុខភាពសាធារណៈ នៅក្នុងខណ្ឌយ៉ុងកឺស ក្រុងញូវយ៉ក បញ្ជាក់ថា បានប្រទះឃើញខ្មោចឆ្មាត្រូវសម្លាប់ និងដាក់ថង់ប្លាស្ទិក ព្យួរនៅលើមែកឈើយ៉ាងតិច២៥ក្បាល ។ ខ្មោចឆ្មាទាំងអស់ ស្ថិតក្នុងសភាពស្អុយរលួយ ។
អាជ្ញាធរជំនាញ សន្និដ្ឋានថា ឆ្មាទាំងនោះអាចត្រូវគេសម្លាប់ដ៏ឃោរឃៅ ក្នុងរយៈពេលជាច្រើនខែមុន ព្រោះមានសភាពស្អុយរលួយទៅហើយ ។ លោក អឺនី លុនហ្គារ៉ូ មន្ត្រីការពារការធ្វើទារុណលើសត្វ ថ្លែងថា មន្ត្រីផ្នែកសុខភាពសាធារណៈ បានប្រទះឃើញខ្មោចឆ្មាដោយចៃដន្យ ពេលធ្វើដំណើរទៅសម្អាតនៅទីសាធារណៈមួយ ស្ថិតនៅក្បែរស្ថានីយរថភ្លើងយ៉ុងកឺស ។
ការសម្លាប់ឆ្មាទាំងនោះ គេសន្និដ្ឋានថា អាចកើតពីជំនឿលើមន្តអាគម ។ សមត្ថកិច្ចជំនាញកំពុងស្រាវជ្រាវរកពីមូលហេតុនៃការងាប់របស់ឆ្មាទាំងនោះ ។ អាជ្ញាធរពាក់ព័ន្ធនៅក្នុងតំបន់ប្រើយុទ្ធសាស្ត្រផ្តល់រង្វាន់ដល់អ្នកបង្ហាញពីតំរុយឱ្យចាប់ខ្លួនជនល្មើស ក្នុងទឹកប្រាក់១០០០ដុល្លារ ៕
ចែករំលែកព័តមាននេះ