ចាប់បានចោរលួចម្នាក់ ចេះនិយាយតែពាក្យថា «ខប់ខប់»
- ភ្នំពេញ
ខេត្តកំពត ៖ សេចក្តីរាយការណ៍ឱ្យដឹងថា កាលពីវេលាម៉ោង៦យប់ថ្ងៃទី១៧ តុលា មានករណីចោរលួចកាបូបលុយប្រជាពលរដ្ឋម្នាក់ ឈ្មោះ ចាន់ ស្រីអូន ភេទស្រី…
ខេត្តកំពត ៖ សេចក្តីរាយការណ៍ឱ្យដឹងថា កាលពីវេលាម៉ោង៦យប់ថ្ងៃទី១៧ តុលា មានករណីចោរលួចកាបូបលុយប្រជាពលរដ្ឋម្នាក់ ឈ្មោះ ចាន់ ស្រីអូន ភេទស្រី អាយុ៣៥ឆ្នាំ រស់នៅភូមិក្រាំងដូង ឃុំសំរោងក្រោម ស្រុកបន្ទាយមាស អស់ប្រាក់ចំនួន៤០ម៉ឺនរៀល ។ ភ្លាមនោះ ម្ចាស់កាបូបក៏បានជិះម៉ូតូដេញតាមជនសង្ស័យ តែម៉ូតូបានខូចតាមផ្លូវ ទើបត្រូវជនសង្ស័យមានឱកាសអាចចូលកាច់សោ.កម៉ូតូរបស់ម្នាក់ទៀតឈ្មោះ មុត សារ៉ន ភេទប្រុស អាយុ ៣៧ឆ្នាំ រស់នៅភូមិត្រពាំងមន្ត្រី ឃុំសំរោងក្រោម ស្រុកបន្ទាយមាស ខេត្តកំពត ។
ខណៈពេលកំពុងលួចកាច់សោម៉ូតូជនរងគ្រោះនោះ ម្ចាស់គេទាន់ក៏មានការវាយប្រតប់ ប្រតាយគ្នាជាមួយម្ចាស់ម៉ូតូ ហើយត្រូវបានម្ចាស់ម៉ូតូ និងប្រជាពលរដ្ឋចាប់ខ្លួន រួចប្រគល់ជូនសមត្តកិច្ចនគរបាលស្រុកបន្ទាយមាស ដើម្បីឲ្យចាត់ការតាមផ្លូវច្បាប់ ។
តែអ្វីដែលសមត្ថកិច្ចមានការលំបាកសួរយកចម្លើយនោះត្រង់ថា ជនសង្ស័យ អាយុ៤០ឆ្នាំនេះមិនចេះនិយាយភាសារខ្មែរទេចេះតែពាក្យថា ខប់ខប់ ដែលភាសានេះ អាចសន្និដ្ឋានបានថា ជាជនជាតិថៃ ។ ដូច្នោះ ពេលនេះសមត្ថកិច្ច នឹងកំពុងរកអ្នកចេះភាសាថៃ ដើម្បីសាកសួរយកចម្លើយសម្រាប់កសាងសំណុំរឿងបញ្ជូនទៅតុលាការ ៕
ចែករំលែកព័តមាននេះ