សភាស៊ីរី រាយការណ៍កាលពីថ្ងៃទី២៨ មេសា ថា ប្រធានាធិបតីស៊ីរី លោក បាចា អាល់អាសាដ បានឈរឈ្មោះជាបេក្ខជនសម្រាប់ការបោះឆ្នោតប្រធានាធិបតី នាថ្ងៃទី៣ មិថុនា ខាងមុខនេះទៀត។ ប្រធានសភាលោក ហ្ស៊ីហាដ អាល់ឡាម បានប្រកាសពីបេក្ខភាពរបស់លោក អាសាដ ដោយអានលិខិតមួយច្បាប់របស់ប្រធានាធិបតី ។ ទោះបីមានការអំពាវនាវនានាឱ្យលោកអាសាដ ចាកចេញពី
សភាស៊ីរី រាយការណ៍កាលពីថ្ងៃទី២៨ មេសា ថា ប្រធានាធិបតីស៊ីរី លោក បាចា អាល់អាសាដ បានឈរឈ្មោះជាបេក្ខជនសម្រាប់ការបោះឆ្នោតប្រធានាធិបតី នាថ្ងៃទី៣ មិថុនា ខាងមុខនេះទៀត។ ប្រធានសភាលោក ហ្ស៊ីហាដ អាល់ឡាម បានប្រកាសពីបេក្ខភាពរបស់លោក អាសាដ ដោយអានលិខិតមួយច្បាប់របស់ប្រធានាធិបតី ។ ទោះបីមានការអំពាវនាវនានាឱ្យលោកអាសាដ ចាកចេញពីអំណាចរបស់ពួកលោកខាងលិច និងរបស់ពួកប្រឆាំងក៏ដោយ ក៏លោក អាសាដ ក្នុងកាយវិការផ្គើនមួយ បានដាក់បេក្ខភាពសម្រាប់ការបោះឆ្នោតប្រធានាធិបតីនាពេលខាងមុខទៀត ។
ម៉្យាងវិញទៀត លោក អាសាដ បានស្នើដល់ពួកអ្នកគាំទ្រលោកឱ្យចៀសវាង កុំបាញ់កាំភ្លើង ដើម្បីអបអរសាទរចំពោះការប្រកាសបេក្ខភាពរបស់លោក ។បណ្តាអ្នកទទួលខុសត្រូវស៊ីរី ធ្លាប់បានគូសបញ្ជាក់ជាច្រើនលើកថា លោកអាសាដ នឹងឈរឈ្មោះសម្រាប់ការបោះឆ្នោតនោះ ដោយគូសបញ្ជាក់ថា លោកអាសាដ អាចជាប់ឆ្នោតកាន់តំណែងមួយអាណត្តិទៀត ដោយសារការគាំទ្ររបស់ប្រជាជន ។ លើសពីនេះទៀត បណ្តាអ្នកទទួលខុសត្រូវស៊ីរី គូសបញ្ជាក់ថា លោកប្រធានាធិបតីអាសាដ ជាអ្នកធានាដ៏ពិតប្រាកដមួយ ចំពោះអនាគតរបស់ប្រទេសស៊ីរី ។
ក្រៅពីប្រធានាធិបតី មានបេក្ខជន៦រូបទៀត ប្រកាសពីចេតនាឈរឈ្មោះប្រជែង ។ បណ្តាក្រុមប្រឆាំងទាំងក្នុង និងក្រៅប្រទេស បានរិះគន់ចំពោះការសម្រេចចិត្តធ្វើការបោះឆ្នោតប្រធានាធិបតីក្នុងស្ថានភាពសង្គ្រាមស៊ីវិលបែបនេះ ។ មនុស្សជាង១៥០.០០០នាក់ហើយដែលត្រូវស្លាប់ ហើយប្រជាជនស៊ីរីប្រមាណជា១ភាគ៣ បានរត់ភៀសខ្លួនដោយសារការប៉ះទង្គិចគ្នា រវាងកងទ័ពរដ្ឋាភិបាល និងពួកឧទ្ទាម៕
ចែករំលែកព័តមាននេះ