រាជធានីភ្នំពេញ ៖ រថយន្តស្ទូចមួយគ្រឿងបើកដោយបុរសម្នាក់ទៅបុកជាមួយរថយន្តដឹកប្រេងបណ្តាលឱ្យរថយន្តស្ទូចដាច់ប្រមោយសន្ទូចទៅប៉ះនិងរថយន្តដឹកទឹកកកដែលលួចផ្ទុកឈើគ្រញូងមួយគ្រឿងក្អួតចេញសុទ្ធតែឈើក្រញូងដែលបង្កឱ្យមានការភ្ញាក់ផ្អើល។ ហេតុការណ៏នេះកើតឡើងនៅវេលា ម៉ោង១១ និង៥០នាទីយប់ ថ្ងៃ ២៨ ខែមេសា ស្ថិតនៅតាមបណ្តោយផ្លូវជាតិលេខ៥ ស្ថិតនៅក្នុងសង្កាត់ព្រែកព្នៅ ខណ្ឌសែនសុខ ។
ប្រភពព័ត៌មានបានឱ្យដឹងថា នៅមុនពេលកើតហេតុគេឃើញរថយន្តស្ទូចដឹកដែក ពាក់ស្លាកលេខ3A7188 បើកដោយ បុរសម្នាក់ ធ្ចើដំណើរតាមផ្លូវជាតិលេខ៥ ក្នុងទិសដៅពីត្បូងទៅជើង ខណះមកដល់ចំណុចកើតហេតុ ក៏បានបុកគ្នាពេញទំហឹងជាមួយរថយន្តដឹកប្រេង ពាក់ស្លាកលេខភ្នំពេញ 3A-9892 ធ្វើឱ្យ ប្រមោយស្ទួចរបស់រថយន្តដឹកដែកទៅ បោកផ្ទប់ រថយន្តដឹកទឹកកកមួយគ្រឿងទៀតដែលលួចផ្ទុកឈើក្រញូងក្អួតចេញសុទ្ធតែក្រញូង បង្កឱ្យមានការភ្ញាក់ផ្អើលដល់សមត្ថកិច្ច និងមន្រ្តីរដ្ឋបាលព្រៃឈើចុះមកអន្តរាគមន៏។
នៅក្នុងករណីគ្រោះថ្នាក់ចរាចរណ៏នេះផងដែរអ្នកកាសែតមួយក្រុមបាននាំគ្នាចុះមកយកព័ត៌មាននិងថតយករូបភាពស្រាប់ តែត្រូវមន្រ្តីរដ្ឋបានព្រៃឈើម្នាក់ចេញមកអន្តរាគមន៏ហើយបានជេរប្រមាថមកលើអ្នកកាសែត និងទាញយកកាតសំរាប់សំគាល់ខ្លួនទៀតផង ប៉ុន្តែត្រូវសមត្ថកិច្ចជួយសម្រួលនិងយកកាតសំគាល់ខ្លួនមកឱ្យអ្នកកាសែតវិញ។ ការចុះអន្តរាគមន៏ របស់មន្រ្តីរដ្ឋបាលព្រៃឈើ ត្រូវបានគេមើលឃើញថា ហាក់ដូចជាពុំមានវិធានការចាប់ខ្លួនអ្នកបើករថយន្តដឹកឈើក្រញូងទេរហូតបណ្តោយឱ្យអ្នកបើករថយន្តដឹកឈើក្រញូងរត់រួច ខណះមានបុរសម្នាក់ដែលអមដោយមន្រ្តីកងរាជអាវុធហត្ថម្នាក់ចេញមុខកាងឱ្យរថយន្តដឹកឈើគ្រញូង។ អ្នកកាសែតព្យាយាមធ្វើការសាកសួរ មន្រ្តីរដ្ឋបាលព្រៃឈើទាក់ទងករណីនេះ តែមន្ត្រីរដ្ឋបាលឆ្លើយថាមិនដឹងរហូត ។មិនតែប៉ុណ្ណោះ បុរសម្នាក់ដែលចេញមុខកាងរថយន្តដឹកឈើនេះបានគម្រាមវ៉ៃអ្នកការសែតមិនដឹងថាបុរសម្នាក់នេះអាងអ្វីទេបានប្រើពាក្យប្រមាថមកលើអ្នកកាសែតបែបនេះ។
តៃកុងបើករថយន្តដឹកទឹកកកដែលផ្ទុកឈើក្រញូង នោះបានប្រាប់អ្នកយកព័ត៌មុនពេលគេចខ្លួនថា រូបគេមានឈ្មោះហេង វិតអាយុ២៧ឆ្នាំ រស់នៅក្នុងភូមិគគី ឃុំដីឥត ស្រុកកៀនស្វាយ ខេត្តកណ្តាល។រូបគេមានមុខរបរបើករថយន្តដឹកឈើឱ្យគេយូរហើយ ដោយឆ្លងកាត់ការដឹកជញ្ជូនឈើនេះ៤០លើកហើយទើបតែបែកការថ្ងៃនេះដោយជួបគ្រោះថ្នាក់ចរាចរណ៏ ។
គួរបញ្ជាក់ផងដែរថា រថយន្តដឹកឈើក្រញូងនោះមិនដឹងថាត្រូវមន្រ្តីរដ្ឋបាលព្រៃឈើយកទៅរក្សាទុកឬ ក៏ត្រូវក្រុមឈ្មួញដែលកាងឈើនោះរំដោះយករថយន្តដឹកឈើនោះទៅបាត់ឬយ៉ាងណាទេ ។បើតាមប្រជាពលរដ្ឋដែលរស់នៅតាមផ្លូវជាតិលេខ៥នៅម្តុំចំណុចកើតហេតុបានប្រាប់អ្នកយកព័ត៌មានថា ក្នុងមួយយប់ៗ មានរថយន្តដឹកឈើប្រណិតរាប់សិបគ្រឿងបើកឆ្លងកាត់ទីនេះប៉ុន្តែមិនដែលឃើញសមត្ថកិច្ចណាបង្រ្កាបឡើយ ដែលមើលទៅហាក់បីដូចជាសមត្ថកិច្ច ត្រូវថ្នាំសណ្តំក្រុមឈ្មួញអស់ហើយ ។
ចែករំលែកព័តមាននេះ