ពិតជាកក្រើក! ក្រុមហ៊ុន Mazda ទទួលយកតារាចម្រៀង ខេមរៈ សិរីមន្តធ្វើជាទូតសុឆន្ទៈប្រចាំក្រុមហ៊ុនជាផ្លូវការហើយ

ថ្ងៃទី ១៨ ខែ តុលា ឆ្នាំ ២០១៩
ម៉ោង ១៥:០៨
សហការី

រាជធានីភ្នំពេញ ៖ ក្រុមហ៊ុន Mazda Cambodia បានជ្រើសរើសកំពូលតារាចម្រៀងលោក ខេមរៈ សិរីមន្ត ដែលជាតារាចម្រៀងជួរមុខ និងកំពុងទទួលបាននូវប្រជាប្រិយ៍ភាពយ៉ាងខ្លាំងក្លានៅក្នុងវិស័យសិល្បៈនៅកម្ពុជា ដើម្បីធ្វើជាឯកអគ្គរាជទូតសុឆន្ទៈជាផ្លូវការប្រចាំក្រុមហ៊ុន ។

អ្នកស្រី អ៊ុន កញ្ញា ប្រធានគ្រប់គ្រងទូទៅនៃក្រុមហ៊ុន Mazda កម្ពុជា បានលើកឡើងក្នុងពិធី ចុះហត្ថលេខា ទទួលស្គាល់លោក ខេមរៈ សិរីមន្ត ធ្វើជាទូតសុឆន្ទៈប្រចាំក្រុមហ៊ុនជាផ្លូវការកាលពីរសៀលថ្ងៃទី១៧ ខែតុលា ឆ្នាំ២០១៩ បានលើកឡើងថា ការដែលក្រុមហ៊ុនសម្រេចទទួលយកតារាចម្រៀងឈានមុខគេនៅកម្ពុជា គឺលោក ខេមរៈ សិរីមន្ត ធ្វើជាទូតសុឆន្ទៈ ប្រចាំក្រុមហ៊ុន ដោយសារតែលោក គឺជាតារាចម្រៀងមួយរូបដ៏ល្បី និងមានប្រជាប្រិយភាពខ្លាំងក្លា ទទួលបាននូវការគាំទ្រពីសំណាក់ហ្វេនជាច្រើន ទាំងពេលអនាគត និងបច្ចុប្បន្ននៅក្នុងប្រទេសកម្ពុជា។

អ្នកស្រីបានបន្តថា ក្រុមហ៊ុនសង្ឃឹមថាអតិថិជននឹងកាន់តែគាំទ្រចំពោះផលិតផលរបស់ក្រុមហ៊ុនកាន់តែច្រើនឡើងផងដែរ ។ អ្នកស្រី បានមានប្រសាសន៍បន្ថែមទៀតថា រយៈពេលជាង២ខែកន្លងមកនេះ ក្រុមហ៊ុនក៏ទទួលបាននូវការគាំទ្រពីអតិថិជនយ៉ាងខ្លាំង ជាក់ស្តែងក្រុមហ៊ុនសម្រេចបាននូវការលក់រថយន្តជិត ២ពាន់គ្រឿង។

អ្នកស្រីក៏បានឲ្យដឹងថា «មូលហេតុដែលអតិថិជនគាំទ្រក្រុមហ៊ុន ដោយសារតែរថយន្តគ្រប់ប្រភេទរបស់ក្រុមហ៊ុនមានតម្លៃសមរម្យ ការផ្តល់ជូនមាស និងគុណភាពរថយន្តមកពីប្រទេសជប៉ុន ប្រកបដោយគុណភាព និងមានគ្រប់ម៉ូឌែល»។

ចំណែកលោក ខេមរៈ សិរីមន្ត ក៏បានលើកឡើងនៅក្នុងពិធីចុះហត្ថលេខា ទទួលស្គាល់រូបលោកធ្វើជាទូតសុឆន្ទៈប្រចាំក្រុមហ៊ុនថា រូបលោកពិតជាមានកិត្តិយសណាស់ដែលមានវត្តមាននៅទីនេះ ក៏ដូចជានៅជាមួយម៉ាករថយន្ត Mazda ដ៏ល្បី និងពេញនិយមបំផុតនៅប្រទេសកម្ពុជា និងពិភពលោក។

តារាចម្រៀងដ៏ស្រស់សង្ហាររូបនេះបានបន្តថា «ថ្ងៃនេះផងដែរ ជាថ្ងៃចាប់ផ្តើមមួយរបស់ខ្ញុំជាមួយ Mazda ខ្ញុំពិតជាមានសេចក្តីសោមនស្សរីករាយយ៉ាងខ្លាំង និងមានមោទនភាពដែលបានធ្វើជា ទូតសុឆន្ទៈរបស់ក្រុមហ៊ុន Mazda ប្រចាំប្រទេសកម្ពុជា លើសពីនេះទៅទៀត ខ្ញុំបាទសូមថ្លែងអំណរគុណយ៉ាងក្រៃងលែងដល់ក្រុមហ៊ុន Mazda ដែលបានទុកចិត្ត និង ជឿជាក់ លើរូបខ្ញុំ។ ហើយខ្ញុំក៏មានភាពរីករាយយ៉ាងខ្លាំងជាមួយក្រុមហ៊ុនដែលបានជូនកាដូរថយន្ត Mazda CX-9 ដ៏ថ្មីស្រឡាងជូនមកខ្ញុំបាទ» ។

លោក ខេមរៈ សេរីមន្ត ដែលជាគណៈកម្មការមួយរូបនៃកម្មវិធីប្រឡងចម្រៀងលំដាប់ពិភពលោក បានបន្តទៀតថា «លោកអ្នកប្រាកដជាបានជ្រាបរួចមកហើយថា រថយន្ត Mazda ជារថយន្តដែលមានគុណភាពខ្ពស់ និងមានកេរ្តិ៍ឈ្មោះល្បីល្បាញលើសកលលោកជាយូរមកហើយ ជាពិសេសរថយន្ត Mazda មានច្រើនម៉ូដែល ច្រើនជម្រើស ដោយបំពាក់បច្ចេកវិទ្យាទំនើបៗ រូបរាងដ៏គួរអោយទាក់ទាញ នឹងធ្វើអោយលោកអ្នកពោរពេញទៅដោយភាពរីករាយជាមួយក្រុមគ្រួសារ ក៏ដូចជាមិត្តភក្តិ» ។

លោក Erkan Bilal នាយកប្រតិបត្ត (COO) របស់ក្រុមហ៊ុន HGB Group បានមានប្រសាសន៍ថា «យើងជឿជាក់យ៉ាងមុតមាំថា លោកគឺជាអ្នកតំណាងដ៏ឆ្នើមមួយរូបនៃក្រុមហ៊ុនម៉ាក Mazda ដ៏ល្បីនៅកម្ពុជា។ ពួកយើងពិតជារំភើបណាស់ ហើយយើងក៏ទន្ទឹងរង់ចាំចែករំលែកភាពរីករាយក្នុងការបើកបរដែលក្រុមហ៊ុន Mazda នាំមក ជាមួយលោកសិរីមន្ត និងទៅកាន់ទស្សនិកជនកម្ពុជាទាំងអស់» ៕

ព័ត៌មានលំអិតសូមទំនាក់ទំនង ៖
Mazda Cambodia (សាខា ព្រះមុនីវង្ស)
#757-មហាវិថីព្រះមុនីវង្ស បឹងត្របែក ខណ្ឌចំការមន រាជធានីភ្នំពេញ – កម្ពុជា
ទូរស័ព្ទ: (+855) 95 999 599
ទូរស័ព្ទ: (+855) 23 988 881/977 771
ទូរសារ: (+855) 23 999 678
Mazda Cambodia (សាខា ពោធិ៍ចិនតុង)
#379, មហាវិថីសហព័ន្ធរុស្សី, សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ – កម្ពុជា
ទូរស័ព្ទ: (+855) 95 999 699
ទូរស័ព្ទ: (+855) 023 92 5555/995 678
ទូរសារ: (+855) 23 999 678

ដោយសហការ (កែសម្រួលដោយ ៖ បុប្ផា)

[English Below]សូមទស្សនាការផ្សាយផ្ទាល់ស្តីពី កម្មវិធីចុះហត្ថលេខា ទូតសុឆន្ទៈជាផ្លូវការរវាង លោក ខេមរៈ សិរីមន្ត នឹង ក្រុមហ៊ុន Mazda ប្រចាំប្រទេសកម្ពុជាដែលមានទីតាំងនៅក្នុងអគារតាំងបង្ហាញរថយន្ត Mazda សាខាមុនីវង្ស។Broadcasting live, from Mazda Monivong Showroom, the signing and press conference for Khemarak Sereymun as the official Mazda Brand Ambassador.
បានបង្ហោះដោយ Mazda Cambodia នៅ ព្រហស្បតិ៍ 17 តុលា 2019