ប៉ុន្មានម៉ោងមុនការទៅដល់ក្រុងមា៉នីលរបស់ប្រធានាធិបតីអាមេរិក លោកបារ៉ាក់ អូបាម៉ា ដើម្បីបំពេញទស្សនកិច្ចរយៈពេល២ថ្ងៃនៅហ្វ៊ីលីពីន សហរដ្ឋអាមេរិក និងហ្វ៊ីលីពីន បានចុះហត្ថលេខា កាលពីថ្ងៃទី២៨ មេសា លើសន្ធិសញ្ញាយោធាថ្មីមួយដែលអនុញ្ញាតឱ្យមានវត្តមានយោធាអាមេរិកកាន់តែច្រើនឡើងនៅប្រទេសនោះ ។
ប៉ុន្មានម៉ោងមុនការទៅដល់ក្រុងមា៉នីលរបស់ប្រធានាធិបតីអាមេរិក លោកបារ៉ាក់ អូបាម៉ា ដើម្បីបំពេញទស្សនកិច្ចរយៈពេល២ថ្ងៃនៅហ្វ៊ីលីពីន សហរដ្ឋអាមេរិក និងហ្វ៊ីលីពីន បានចុះហត្ថលេខា កាលពីថ្ងៃទី២៨ មេសា លើសន្ធិសញ្ញាយោធាថ្មីមួយដែលអនុញ្ញាតឱ្យមានវត្តមានយោធាអាមេរិកកាន់តែច្រើនឡើងនៅប្រទេសនោះ ។
កិច្ចព្រមព្រៀងសហប្រតិបត្តិការខាងកិច្ចការពារកាន់តែខ្លាំងឡើងហៅកាត់ថា EDCA នោះត្រូវបានចុះហត្ថលេខារវាងរដ្ឋមន្ត្រីការពារប្រទេសហ្វ៊ីលីពីន លោក VOLTAIRE GAZMIN និងឯកអគ្គរដ្ឋទូតអាមេរិកប្រចាំក្រុងមា៉នីល លោក PHILIP GOLDBERG ។
កិច្ចព្រមព្រៀង EDCA ត្រូវបានចុះហត្ថលេខាក្រោយការចរចាគ្នារយៈពេលជិត២ឆ្នាំរវាងប្រទេសទាំង២ ។
លោកបារា៉ក់ អូបាមា៉ ក្រោយបំពេញទស្សនកិច្ចរយៈពេល២ថ្ងៃនៅហ្វ៊ីលីពីន ត្រូវបញ្ចប់ដំណើរទស្សនកិច្ចរបស់លោកនៅអាសីុដែលសំដៅធានាដល់បណ្តាសម្ព័ន្ធមិត្តពីការគាំទ្ររបស់សហរដ្ឋអាមេរិកក្នុងតំបន់ប្រឈមមុខនឹងជម្លោះដែនដីពិសេសជាមួយចិន ។
កិច្ចព្រមព្រៀងការពារថ្មីអនុញ្ញាតឱ្យមានវត្តមានយោធាអាមេរិកកាន់តែច្រើននៅហ្វ៊ីលីពីន ។ កិច្ចព្រមព្រៀងនោះបំពេញបន្ថែមសន្ធិសញ្ញាការពារគ្នាទៅវិញទៅមកដែលចុះហត្ថលេខារវាងប្រទេសទាំង២ កាលពីឆ្នាំ១៩៥១ ក្នុងករណីមានការឈ្លានពានខាងយោធា ។ កិច្ចព្រមព្រៀងនឹងអនុញ្ញាតឱ្យកងទ័ព កងយន្តហោះ និងកងនាវាចម្បាំងអាមេរិកស្ថិតនៅបណ្តោះអាសន្តក្នុងប្រទេសហ្វ៊ីលីពីនជាកន្លែងដែលមូលដ្ឋានយោធាអាមេរិកចុងក្រោយទាំងឡាយ ត្រូវបិទកាលពីឆ្នាំ១៩៩២ ៕
ចែករំលែកព័តមាននេះ