អតីតប្រមុខកងទ័ពអេហ្ស៊ីប សេនាប្រមុខ អាប់ដែល ហ្វាតាហ៍ អាល់ស៊ីស៊ី កាលពីថ្ងៃទី២៧ មេសា បានអំពាវនាវដល់ពលរដ្ឋអេហ្ស៊ីបឱ្យចូលរួមបោះឆ្នោតប្រធានាធិបតីឱ្យបានច្រើនកុះករ ។ ក្នុងការបោះឆ្នោតនាថ្ងៃទី២៦ និង២៧ ឧសភា ខាងមុខ លោក អាល់ស៊ីស៊ី ជាអ្នកសង្ឃឹមឈ្នះ ។
អតីតប្រមុខកងទ័ពអេហ្ស៊ីប សេនាប្រមុខ អាប់ដែល ហ្វាតាហ៍ អាល់ស៊ីស៊ី កាលពីថ្ងៃទី២៧ មេសា បានអំពាវនាវដល់ពលរដ្ឋអេហ្ស៊ីបឱ្យចូលរួមបោះឆ្នោតប្រធានាធិបតីឱ្យបានច្រើនកុះករ ។ ក្នុងការបោះឆ្នោតនាថ្ងៃទី២៦ និង២៧ ឧសភា ខាងមុខ លោក អាល់ស៊ីស៊ី ជាអ្នកសង្ឃឹមឈ្នះ ។
លោក អាល់ស៊ីស៊ី ប្រឈមមុខនឹងគូប្រជែងតែម្នាក់គត់ គឺបេក្ខជនឆ្វេងនិយម លោក ហាមឌីន សាបប៉ាហុី ក្នុងការបោះឆ្នោត ដែលក្រុមបងប្អូនអ៊ិស្លាម ជាចលនារបស់ប្រធានាធិបតីត្រូវផ្តួលរំលំ លោក ម៉ូហាម៉េដ ម័រស៊ី និងក្រុមអ៊ិស្លាមនិយមឯទៀតៗសម្រចធ្វើពហិការ ។
ចាប់តាំងពីការទម្លាក់លោក ម័រស៊ី ដោយកងទ័ពពីថ្ងៃទី៣ កក្កដា ឆ្នាំ២០១៣ មក ការបង្ក្រាបពួកអ៊ិស្លាមនិយម បណ្តាលឱ្យមនុស្សស្លាប់ជាង១៤០០នាក់ ហើយមនុស្សដល់ទៅប្រមាណជា១៥.០០០នាក់ ត្រូវចាប់ខ្លួន ។ ក្នុងចំណោមអ្នកត្រូវចាប់ខ្លួនទាំងនោះជាច្រើនរយនាក់ ត្រូវនាំមកកាត់ទោសនៅមុខតុលាការ រួមទាំងលោកម័រស៊ី ក៏ដូចជាមេដឹកនាំភាគច្រើនរបស់ក្រុមបងប្អូនអ៊ិស្លាមដែលអាជ្ញាធរចាត់ទុកជាពួកភេរវករ ។
លោក អាល់ស៊ីស៊ី អំពាវនាវឱ្យចូលរួមឱ្យបានច្រើនពុំធ្លាប់មានពីមុនមក ក្នុងការបោះឆ្នោតប្រធានាធិបតី នាពេលខាងមុខ ពុំសំខាន់ថានរណាជាអ្នកឈ្នះឡើយ ។ អតីតប្រមុខយោធារូបនេះដែលសន្យាជំរុញសេដ្ឋកិច្ច និងធ្វើឱ្យមានស្ថិរភាពក្នុងប្រទេសដែលជួបចលាចល ចាប់តាំងពីការផ្តួលរំលំលោកហូស្នី មូបារ៉ាក់ កាលពីខែកុម្ភៈ ឆ្នាំ២០១១មក បានចោទប្រកាន់លទ្ធិជ្រុលនិយមខាងសាសនាថាធ្វើឱ្យទេសចរណ៍ជាផ្នែកគន្លឹះនៃសេដ្ឋកិច្ចធ្លាក់ចុះ ។ លោកនិយាយថា ផ្នែកទេសចរណ៍រងការប៉ះពាល់មិនឈប់ឈររយៈពេល៥០ឆ្នាំកន្លងមកនេះ ដោយសារសុន្ទរកថាសាសនាមួយ ដែលពុំមានទំនាក់ទំនងជាមួយការវិវត្តន៍ និងការអនុគ្រោះនៃសម័យកាល ។ បណ្តាក្រុមអ៊ិស្លាមនិយមប្រដាប់អាវុធ បានសម្លាប់អ្នកទេសចរជាច្រើនសិបនាក់ ដោយសារការវាយប្រហារភេរវកម្មនានានៅអេហ្ស៊ីប កាលពីទសវត្សឆ្នាំ១៩៨០ និង១៩៩០ ។
កាលពីខែកុម្ភៈ កន្លងមកនេះ ជនជាតិកូរ៉េខាងត្បូង៣នាក់ ត្រូវស្លាប់ក្នុងការវាយប្រហារអត្តឃាតមួយ ជាស្នាដៃរបស់ក្រុមជីហាដមួយ ដែលនិយាយថាជាការតបតចំពោះការបង្ក្រាបប្រឆាំងពួកអ៊ិស្លាមនិយម ហើយអះអាងថា ក្រុមគេនឹងវាយប្រហារលើបណ្តាផលប្រយោជន៍សេដ្ឋកិច្ច ។ ចាប់តាំងពីការទម្លាក់លោកម័រស៊ី មក មានការវាយប្រហារភេរវកម្មជាបន្តបន្ទាប់ សម្លាប់ប៉ូលិសនិងទាហានជិត៥០០នាក់ ។
ចំណែកស្ថានភាពសេដ្ឋកិច្ចវិញជាឧបសគ្គយ៉ាងធំបំផុតមួយ ចំពោះសង្គម ហើយនាំឱ្យមានបញ្ហាឯទៀតៗទាក់ទិននឹងស្ថិរភាពប្រទេស ។លោកសុីសីុ អះអាងថា ការកែលម្អប្រព័ន្ធសន្តិសុខត្រូវការធនធានសេដ្ឋកិច្ចដ៏ច្រើន ។ សេដ្ឋកិច្ចអេហ្ស៊ីបស្រុតចុះមកពីការចុះថយនៃវិនិយោគ និងទេសចរណ៍ ៕
ចែករំលែកព័តមាននេះ